Diyarname
Dayikên Şemiyê her hefte roja şemiyê dixwazin herin ber Lîseya Galatasaray û çalakiya xwe li dar bixin lê ev çend hefte ne bi fermana Wezîrê Karên Hundir ê Tirkiyeyê polîs pêşî li wan digirin û nahêlin ji ber ÎHD'yê (Komeleya Mafên Mirovan) wêdetir herin. Ev aliyek meseleyê ye, aliyê din jî ew e ku polîs serê pêşî rê li ber rojnamegeran digirin û nahêlin ew karê xwe bikin. Îro jî polîs ketin navbera wan û dayikan û nehiştin rojnameger karê xwe bikin. Rojnamegeran jî di çalakiya îro de ji pencereya ÎHD'yê re dest bi kişandina dîmenan kirin û ev wêne jî wêneyê wê kêliyê ye. Em wekî wêneyê rojê pêşkêş dikin.
(wêne ji twittera Rifat Dogan hatiye girtin)