Diyarname
Tîma katalan Barselona û Alaves îro di maça yekemîn a La Lîga de hatin hemberî hev. Ji bo Barselonayhe bi vî awayî muhîm bû, heta niha 5999 gol avêtibûn reqîbên xwe û gola 6000'emîn dê kî biavêta? Di deqeya 64'an de Lionel Messi li ser navê Barselonayê gol avêt û navê xwe carek din li dîrokê kir. Bû du caran de gola hezaran a tîmê diavêje ku li dinyayê mînakek wisa nîn e.
Barselonayê yekem car di sala 1929'an de gol avêtibû. Ev gola yekemîn a tîmê Manuel Parera avêtibû. Paşê di sala 1950'î de Marcos Aurelio 1000'emîn gola tîmê avêtibû. Lê ji bo gola 2 hezaremîn ne hefeyê 20 salan bû, di sala 1964'an de gihîştin wê armancê: Pedro Tomas Zaballa navê xwe li dîrokê kir. Piştî vê bi 18 salan di sala 1982'yan de Quini gola 3000'emîn avêt.
Gola 4000'emîn Guillermo Amor li ser navê xwe nivîsî û bi ser vê re 13 sal derbas bûn vê carê Lionel Messi gola 5000'emîn a tîmê avêt. Loma maça îro muhîm bû ku hem ji bo Barselonayê hem ji bo Messi. Tiştek ne ji rêzê ye ku lîstikvanek di tîma xwe de navê xwe du caran li HEZAR'emîn bike. Ev siûd di destê Messi de bû û hat. Messiyê ku gola 5000'emîn avêt, di deqîqeya 64'an de gola 6000'emîn jî avêt û navê xwe bi awayê ku neyê kolan li dîroka qilûbê kir.
Barselonayê bi 3-0 Alaves têk bir. Golên din, di deqîqeya 83'yan de Philippe Coutinho, di deqîqeya 92'yan de dîsa Messi avêt.