Li gor raporê îstîhdama ku hatiye sazkirin têrê nekiriye lewma asta betaliyê ji sedî 6,6'ê derketiye sedî 11,2'yan. Her wiha tê gotin ku daneyên ku wê TUÎK (Saziya Îstatîstîkan a Tirkiyeyê) ku di meha adarê de wê eşkere bike ne di nav vê rêjeyê de ye.

Ji raporê hin agahiyên din:

Li herêma GAP'ê, li Riha û Amedê hêza kar ji 550 hezar jî daketiye 540 hezarî, hêza îstîhdamê ji 485 hezarî daketiye 464 hezarî. Li gor vê asta betaliyê ji sedî 44,8'ê derketiye sedî 14,1'ê, hejmara betalan a ferm3i ku 65 hezar bû derketiye 76 hezar3i.

Li bajarên wekî Mêrdîn, Batman, Şirnex û Sêrtê jî bi heman awayî ast daketine. Li van çar bajaran di sala 2004'an de hêza kar 364 hezar bû, lê ev hêz 45 hezar jê kêm bûye û daketiye 319 hezar jî. Îstîhdam ku hêza wê 341 hezar bû jê 77 hezar kêm bûne û hejmara kasên kar dikin (îstîhdamê) daketiye 264 hezarî. Di encamê de hejmara betalan ji sedî 6,1'ê derketiye sedî 17,4'an.

Rapor dibêje ku bi sedî 17,4'an herî zêde li Mêrdîn, Batman, Şirnex û Sêrt betalî heye û ew di rêza yekem de ne. Piştî van bajaran Edene û Mêrsîn tên ku rêjeya betaliyê ya van bajaran jî sedî 16,8 e. Di sala 2004'an de li van her du bajaran rêjeya betaliyê sedî 14,8 bû.

Piştî van bajaran jî di rêza sêyem ku betalî lê zêde ye de jî bajarên wekî Entab, Semsûr û Kîlîs tên.