Diyarname
Mebûsên berê yên DTP'ê derbasî BDP'ê bûn û digel beşdariya Ufuk Uras îro koma BDP'ê li meclisê ava dibe.

Serokê Giştî yê BDP'ê Demir Çelik ji bo avakirina komê ya li meclisê bi daxwaznameyê serî li Serokatiya Meclisêda. Çelik navê 20 mebûsên dê di nav komê de cih bigirin ragihand serokatiya meclisê.

Di nav mebûsên BDP'ê de ev hene: Emine Ayna (Mêrdîn), Gultan Kişanak (Amedr), Ayla Akat Ata (Batman), Sebahat Tuncel (Stenbol), Pervin Buldan (Îdir), Fatma Kurtulan (Wan), Sevahir Bayindir (Şirnex), Selahattin Demirtaş (Amed), Akin Birdal (Amed), Bengi Yildiz (Batman), Hamit Geylani (Culemêrg), Sirri Sakik (Mûş), Nuri Yaman (Mûş), Ozdal Uçer (Wan), İbrahim Binici (Riha), Hasip Kaplan (Şirnex), Şerafettin Halis (Dêrsim), Osman Ozçelik (Sêrt) û Ufuk Uras (Stenbol).

Mebûs Hasip Kaplan got ku tTê plankirin yekem civîka komê di 5'ê rêbendana 2010'an de bê kirin.

Rewşa partî û mebûsên li meclisê wisa ye:

Adalet Ve Kalkinma Partisi (AKP): 338
Cumhuriyet Halk Partisi (CHP): 97
Milliyetçi Hareket Partisi (MHP): 69
Barış ve Demokrasi Partisi (BDP): 20
Mebûsên serbixwe: 10
Demokratik Sol Parti (DSP): 8
Demokrat Parti (DP): 1
Turkiye Partisi (TP): 1
Bi giştî: 544