Diyarname 

Vê hefteyê 6 fîlm hene: "Şervanê Azadiyê", "Nêçîrvanên Ejderan", "Perasma", "Li Newala Xwedê", "Sextekar", "Bavê min Romulus".

Ji nav fîlman "Şervanê Azadiyê" bi mijara xwe, "Li Newala Xwedê" jî antî-mîlitarîstiya xwe, "Bavê min Romulus" bi nîşandayîna hezkirineke di navbera bav û kur de, yanê bi hestiyariya xwe derdikeve pêş. Û "Sextekar" jî kêliyeke ji serdema Nazî pêşkêş dike di warê Fîlmê Biyanî de Xwediyê Xelata Oscarê ye.
 

Ozgurluk Savaşçisi / Şervanê Azadiyê
(In The Name of The King)

Derhêner: Uwe Boll
Lîstikvan: Jason Statham, Ray Liotta, Kristanna Loken...
Cure:  Aksiyon / Fantastîk / Macera
Sala Kişandinê: 2007

Çeteya Krung davêjin ser gundê (Stonebridge) ê Cotkar (Jason Statham), gund talan dikin, kurê wî dikujin û jina wî (Calire Forlani) direvînin. Bi vê yekê jiyana Cotkarê ku hetaniha di nav aramiyê de dijiya tevlihev dibe û niha ji bo ku jina xwe Solonayê rizgar bike tevî mamosteyê xwe yê şêwirmend Norick (Ron Perlman) û bûrayê xwe Bastian (Will Sanderson) dikeve dû çeteya Krug.
Çeteya Krug herêma çolter dibe ber xwe û talan dike, sihêrbazê kral Merick jî li dû wan hêza rastîn kifş dike.
Di fîlm de planên ji bo bi destxistina textê kral didomin, di vê navberê de Cotkar û hevalên wî li çiyayê Ehb bêyî kes wan ferq bike ber bi pêş ve dimeşin. Di şevakê de davên ser kampê, Norick û Bastian bi dest dixin, Cotkar bi zor xwe xelas dike û di dawiyê de ji mecbûrî beşdarî artêşa kral dibe. Di nav artêşê de Cotkar performanseke mezin nîşan dide. Di êrîşa dawî de her tişt di destê Cotkar de ye, yan dê Gallianê têk bibe, yan jî dê erdên wî bikevin destê sihêrbazê xirab.

**

Kalpazanlar - Sextekar
(The Counterfeiters)

Derhêner: Stefan Ruzowitzky
Lîstikvan: August Diehl, Karl Markovics, Martin Brambach...
Cure: Dram / Şer/ Suc
Sala Kişandinê: 2007

Di Şerê Cîhanê yê Duyemîn de Nazî ji bo bi ser bikevin yek ji karên ku kiriye jî çêkirina pereyên sexte ne. Bi van pereyan naziyan dixwestin aboriya welatên din têk bibin. Ji bo vê yekê jî komek ava dikin ku Salomon Sorowitsch ku di sextekarî û hunera destan de serketiye jî beşdarî komê dikin.
Digel ku ji sefaletê rizgar bûne jî jiyana di nav de ye wan aciz dike, şerm û wijdan bi hev re dikevin qayişkêşanê.
 
**

Ejder Avcilari / Nêçîrvanên Ejderê
(Chasseurs de Dragons)

Derhêner: Guillaume Ivernel, Arthur Qwak
Cure: Anîmasyon
Sala Kişandinê: 2008

Tekane fîlmê anîmasyonî yê vê hefteyê "Chasseurs de Dragons" ku bi navê "Ejder Avcilari" li Tirkiyeyê ket vîzyonê li ser keçikeke biçûk Zoe ku baweriya wê bi çîrokên periyan heye. Apê wê Kral Arnold ji bo ji ejderhayên mezin rizgar bike li lehengekî weki Cureden ku di pirtûkan de xwendiye digere. Lê ji dêvla vê Gwizdo û Lian-Chuyê nas dike. Daxwaza van her du kesan li jiyanê ew e ku bibin xwedî çiftlikek biçûk û bi aram.
Û keçika biçûk dibêje qey ew lehengên di xeyala wê de ne. Di vê navberê de Gwizdoyê fenek bi zêrên Kral Arnold dihese û dikeve nava tevgerê, lê ji keçika biçûk re nabêje. Zoe jî beşdarî maceraya her du kesan dibe.
 

Kesişme
(To Perasma)
 
Derhêner: Dimitris Stavrakas
Lîstikvan: Hassina Banu Eti, Safiullah Bari Adam, Erol Avci
Cure: Dram
Sala Kişandinê: 2008

Fîlmê "Perasma" li Tirkiyeyê bi navê "Kesişme" (Rastlêhatin) ketiye vîzyonê. Jahidê Banladeşî ji bo bi keçika jê hez dike re bizewice pêdiviya wî bi qelenê heye.
Ji bo pereyên bo pelenê bide ser hev û pêşerojeke ji xwe re saz bike digel ku malbata wî naxwaze jî ew biryarê dide ku bi rêyên nezagonê derbarê Yewnanistanê bibe.
Rêwitiya ji Bangladeşê, ya bi ser Curekiye re heta Yewnanistanê ji bo Jahid dibe macerayeke.

Tanrinin Vadisinde - Li Newala Xwedê
(In The Valley of Ellah)

Derhêner: Paul Haggis
Lîstikvan: Susan Sarandon, Jonathan Tucker, Tommy Lee Jones
Cure: Dram / Tirsdarî / Raz
Sala Kişandinê: 2007 
 
Mike Deerfield ku leşkerekî baş e di dema ku peywirê çûye Iraqê ji nişke ve ji holê hatiye windakirin.
Bavê wî Hank ku ew bi xwe jî xaziyek e dema nikare xeberê ji kurê xwe bigire ji bo li ser bisekine bi dedektîf Emily Sanders re li hev dike. Û dayik Joan jî beşdarî lêpirsînê dibe. Fîlm li hemberî polîtîkayên Amerîkayê yên li Rojhilata Navîn fîlmekî antî-mîlîtarîst e.
 

**

Babam Romulus - Bavê min Romulus
(Romulus, My Father)

Derhêner: Richard Roxburgh
Lîstikvan: Franka Potente, Eric Bana, Marton Csokas...
Cure: Dram
Sala Kişandinê: 2007

Romulus ji bîranînên My Father Raimond Gaita hatiye kişandin. Fîlm çîroka Romulus, jina wî ya xweşik  Christina û kurê wî Raimond pêşkêş dike û zehmetiya jiyana wan nîşan dide.
Li hemberî dayikeke depresîf, bavekî bi ehlaq dike ku jiyana zarokê xwe di asteke hevkêşeyê de bigire.
Di dawiyê de di navbera bav û kur de têkiliyeke ku nayê kişênandin derdikeve holê û fîlm çîroka hezkirineke bi hestiyarî pêşkêş dike.