Diyarname
Ji ber vexwendname û afîşên bi kurdî doz li Şaredarê Bajarê Mezin ê Amedê Osman Baydemîr de vebûbû, îro doz betal bû.

Danişîna doza vexwendname û afîşên bi kurdî ku Şaredariya Bajarê Mezin a Amedê amade kiribû li dar ket. Doza ku Şaredar Baydemîr têde dihat darizandin bi beraetê bi dawî bû.
Dozgeriyê li ser destûra Wezîrê Karên Hundir ê AKP'yî yê demê Abdulkadîr Aksu doz li Baydemîr vekiribû. Danişîna ku Baydemîr û parêzerên wî amade bûn de 3 sal û 6 meh cezaya hepsê ji bo Baydemîr dihat xwestin û her wiha dozger dixwest Baydemîr ji kar jî bê girtin.
Baydemîr got ku ji bo dewlemendiya çandan derkeve holê û çanda ew jê tê jî pêş bikeve wan kurdî bikar aniye û wiha berdewam kir: "Kurdî parçeyek dewlemendiyê ye. Bingeha pirsgirêkê bêtehemuliya li hemberî bikaranîna kurdî ye. 15 sal şûnde zarokên me dema li vê darizandinê binihêrin, wê bikenin. Ez dê zimanê xwe kurdî bikar bînim, ev mafê min ê herî xwezayî ye."