Diyarname
Di Lîga Super Toto a Tirkiyeyê de maçên hefteya 28'an temam bûn. Di maça dawî ya vê hefteyê de Gençlerbirlîgî ya ku îhtîmala ketina ji lîgê heye û Galatasaraya di rêza yekemîn de bû hat lîstin. Di deqe 90+2 de li ser navê Gençlerbîrlîgî Alper Uludag gol avêt û maç bi 1-0 bi dawî bû. Vê yekê bandor li du tîman kir: Galatasaray ji ber ku têk çû kursiya yekemîniyê teslîmê Başakşehîr kir. Başakşehîr niha bi 59 pûanan yekemîn e, Galatasaray bi 57 pûanan duyemîn de. Beşîktaş bi 56 pûanan di rêza sêyemîn de ye.
Û encama maça dawî bandor li Karabuk jî kir. Ji ber ku Gençlerbîrlîgî 3 pûan girtin û pûanên xwe derxistin 31'ê û di rêza 15'an de cih girt. Di rêza dawî de Karabuk heye ku di 12 pûanan de ma. Ji ber ku di hefteyên bê de Karabuk hemû maçên xwe bi dest bixe jî dê nikaribe xwe bigihîne Gençlerbîrlîgî ji niha de ji lîgê ket.
Ji jêr de di rêza duyemîn de Osmanli û di rêza sêyem de Konyaspor bi 28 pûanan tên. Dûre Gençlerbîrlîgî û ser wê de jî Alanya bi 31 pûanan cih digire. Di hefteyên pêşiya me de di navbera van tîman de du tîmên din dê bikevin.
Karabuk ku ji Lîga Super ket sala bê dê di Lîga 1'emîn a PTT'ê de bilîze.
Ji bo Lîga Super a Tirkiyeyê bi dawî bibe 6 hefte mane.