Amed

Kayûmê Kayapinara Amedê vê carê tabeleya Halîl Îbrahîm Oruç ku li parkê daliqandîbû ji holê rakir.

Kayûmên ku dest danîne ser şaredariyên kurdan her roj tiştek din ku şaredarên kurdan çêkirine xira dikin. Vê carê Kayûmê Kayapinara Amedê tabelaya ku bi kurdî û tirkî û pêre jî navê Halîl Îbrahîm Oruç li ser bû rakir. Bi fermana kayûm xebatkarên şaredariyê hatin tabela ji parkê kirin û birin.

Di 20'ê avrêla 2011'an de li Bismilê bi dema gel vetoya YSK'ê (Lijneya Bilind a Hilbijartinê) ya li hemberî berendamên mebûsiyê yên Bloka Ked, Demokrasî û Azadiyê şermezar dikir polîsan êrîşê gel kir û Halil Îbrahîm Oruç bi guleyê mir. Oruç wê demê xwendekarê lîseyê bû. Şaredariya Kayapinarê di 17'ê tîrmeha 2012'yan de navê wî li parkê danîbû. Niha kayûmê ew ji parkê kir.

Heta niha gelek tabelayên bi kurdî, peykerên li ser bûyeran ku şaredariyan çêkiribûn ji aliyê kayûman ve hatin rakirin.

Ji MA'yê hatiye girtin