Diyarname
Wênesazê îtalyan û zanyar Leonardo da Vinci di sedsala 16'an de jiyaye. Wî di jiyana xwe de hin wêne jî çêkirin û ev wêneyîn wî bi buhayên mezin têne firotin. Yek ji wan wêneyê Îsa Pêxember di mezatê de hat bi 450,3 mîlyon dolarî hat firotin.
Berhemê ku 500 sal3i ye li bajarê New Yorka DYA'yê di mezatê de hat firotin. Di mezatê de heta niha ev buhaya herî mezin e. Li gor nûçeya BBC Tirkî yek ji mezatxaneya mezin a dinyayê Christie's mezat li dar xist.
Leonardo da Vinci di sala 1519'an de mir. Ji wî heta niha nêzî 20 tablo gihîştine îro. Ji bo firotina vê tabloyê mezat çêbû û di 20 deqîqeyan de tablo hat firotin, lê kî ev tablo kirî nehat eşkerekirin.
Bawerî ew e ku Da Vinci di sala 1505'an de ev tabloya navê "Rizgarkerê Dinyayê" lê kiriye çêkiriye.
Di mezatê de tablo bi 400 mîlyon dolarî hat firotin, bi heqdestê mezatxaneyê buhaya tabloyê derket 450,3 mîlyon dolarî.
Nûçegîhanê hunerê yê BBC Vincent Dowd dibêje ku kesên dibêjin ev tabloya "Rizgarkerê Dinyayê" ne yê Da Vinci ye, lê kompaniya mezatxaneyê Christie's dibêje ku ev tabloya orjînal a Da Vinci ye. Tablo di sala 2005'an de ji nû ve derxistibûn holê û navê "Leonardoyê Winda" lê kiribû. Çar sal berê bêyî mezat bê kirin koleksiyonerekî rus bi 127,5 mîlyon dolarî ev tablo kirîbû.