Diyarname

Wezîrên nû yên Hikumeta Iraqê îro diyar bûn. Ji bo Wezareta Karên Derve yê Iraqê Fûda Huseyîn ê PDK'yî û ji bo kursiya Wezareta Edaletê jî ji YNK'ê Salar Ebdulstar hat hilbijartin.

7'ê gulanê 22 kes ji bo wezaretê hatibûn diyarkirin lê 15 kesan ji meclisê dengên erê girtibûn û 7 kesên din negirtibûn. 

Îro ev kes wezîriya wan hat qebûlkirin:

- Wezîrê Karên Derve: Fûad Huseyîn

- Wezîrê Edaletê: Salar Ebdulstar  (Kurd)

- Wezîrê Petrolê: Îhsan Şammarî

- Wezîrê Çandinî: Muhammed Kerim Casim 

- Wezîrê Bazirganî: Ala Ahmet Hasan 

- Wezîrê Koç û Koçberiyê: İvan Teyfîk Yakup (Xiristiyan)

- Wezîrê Rewşenbîrî û Geştûguzarê: Hasan Nazim

Goran dij derket

Li aliyê din Fransiyona Goran ya li parlamentoya Iraqê li ser hilbijartina îro daxuyaniyeke nivîskî weşand û got: "Divê tevlîbûna nava Hikumeta Iraqê ne li gorî hizbî û kesî be, divê li gorî mijara niştîmanî be. Divê di gava yekem de, mafê xelkê Kurdistanê hebe, bi taybet jî pirsgirêka herêmên bi nakok, mijara belavkirina dahata navbera Iraq û Herêma Kurdistanê hebe."

Fûad Huseyîn ên PDK'yî bû Wezîrê Karên Derve yê Iraqê.