Diyarname

Rayedarên YNK û PDK'ê duh hatibûn cem hev û xwestibûn parlemenê aktîf bikin. Li ser vê yekê li hev kirin lê hat gotin ku şerket PDK'ê heye ku Serokê Parlemenê Dr. Yûsiv Mihemed parlemenê veke, lê di civîna duyemîn de ji dêvla wî kesek din ji Goran bê hilbijartin.

Û îro ev agahî belav bû, lê Goranê jî, Komeleya Îslamî jî ev nêzîktêdayîn red kir.

Mihmemed: Aktîfkirina perlemenê ne tiştek nû ye

Serokê Parlamentoya Herêma Kurdistanê Dr. Yusif Mihemed dema ku îro çû serdana fermandarekî yê pêşmergeyan ku di şerê DAIŞ'ê de birîndar bû, têkildarî biryara aktîfkirina parlamentoyê got: "Ev a ku duh hat behskirin pêwistî pê nebû ku wekî mizgineyekê bidin. Ev tişteke behs kirin ne tiştek nû ye. Ka em bizanin li ser rewşa aborî ya gel te çi heye. Her wiha tê derbarê mijara bingehîn ya serokatiya herêmê de çi biki? Dema ku evane bi fermî hate behskirin wê demê dê axaftina me hebe."

Komeleya Îslamî jî projeya YNK û PDK’ê qebûl nekir

Îro Berdevkê Komeleya Îslamiya Kurdistanê Rêbwar Hemed helwesta partiya xwe ya derbarê parlemenê de axivî: “Her aliyek  daxwaza pêkanîna atmosferek aram û lihev kirî  ya li herêmê dike. Li gorî me pêngava yekem ya aktîfkirina parlamentoyê çêbû. Lê li gorî pêşniyara ku hatî kirin pêknayê. Pirsa rastîn ev e ku çima serokatiya parlamentoyê were guhertin? Gelo çawa dibe ku wî mafî dibînin ku li cihê aliyek din biryara wan jî ew bi xwe didin."

Her wiha Hemed got: “Li gorî me divê parlamento bi destê serokatiya niha were aktîf kirin, kar, bername û kombûnên xwe berdewam bike. Bila em hemû bi hev re ji bo çareseriya pirsgirêkên din gav bavêjin. Li ser her tiştî re başkirina rewşa gelê Herêma Kurdistanê merc e.”

Ji Rojnewsê hatiye girtin