Diyarname
NAVEND'ê (Navend ji bo Lêkolînên Kurdî) 10 hiqûqnasên kurd (dozger, dadwer, parêzer... û hwd.) ji başûrê Kurdistanê vexwendin Almanya. 11'ê mehê dê ew li ser hiqûqeke çawa civîneke li dar bixin.

Ew hiqûqnasên kurd ku ji 7'ê vê mehê ve li Almanyayê ne, li Almanyayê li dadgehên cuda (îdare, ceza... û hwd.) hevdîtinan pêk tînin û li ser rewşa hiqûqa wir lêkolînê dikin. Koma hiqûqnasan serdana dozgeriya Dusseldorfê jî kirin û zindanek ziyaret kirin.

Roja 9’ê mehê  koma hiqûqnasan li Parêzgeha (NRW) hevdîtinekê ligel cîgirê serokê Parlamentoya eyaletê pêk anî. Di vê hevdîtina şanda hiqûqnasan de nûnerên fraksyonên di parlamentoyê de jî amade bûn. Piştre Wezîra Edaletê Roswitha Muller-Piepenkotter ligel şanda hiqûqnasan civiya.

Di programa şanda hiqûqnasan de hevdîtina ligel berpirsiyarê Mişextiyan di hikûmeta (NRW) de Thomas Kufen û rawêjkarê wezareta edaletê Jan Soffing jî heye.

NAVEND, roja 13 rezberê di navbera seet 14.00 – 16.30 de li Universitatsclub Bonn, Konviktstr. 9, 53113 Bonn li ser sîstema hiqûqê civînekê ligel koma hiqûqnasan amade dike.
Di vê civînê de wê rewşa hiqûqê li başûrê Kurdistanê were nirxandin, her wiha wê mijara rêkxistina hiqûqnasan, mafê jinan û yasayên di de rbarê wan mafan de agahdarî werin dayîn. Di der barê destûra bingehîn de li başûrê Kurdistanê, perwerdekirina dadweran û serbixwebûna wan, wê nirxandin çêbibin.

NAVEND di sala 2007 de jî 12 hiqûqnas, her wiha rojnamevan, karmendên tendurustiyê, karmendên perwerdeyê û gelek kesên din ji başûrê Kurdistanê vexwendibûn Almanya.