Diyarname

Rêveberiya Galatasaray teknîk dîrektor Riekerink qewirandibû û îro ligel teknîk dîrektor Igor Tudor li hev kir. Hat gotin ku Galatasaray sal û nîv ligel Tudor li hev kiriye.

Igor Tudor ku bi eslê xwe hirvat e di navbera salên 1999-2007'an de li Juventusê lîstibû û bi vê tê nasîn. Piştî bû teknîk dîrektor tîma Hajduk Split a welatê xwe bi rê ve bir, paşê çû Yewnanistanê û bû teknîk dîrektorê PAOK'ê. Tudor îsal hat Tirkiyeyê û bû teknîk dîrektorê Karabukê ku hê jî li ser kar bû. Ji ber vê yekê Seroke Klûba Karabukê Ferudun Tankut mesele rexne kir û got: "Em bi bûyerek gelek xirab re rû bi rû ne. Tiştên qewimîne derveyî exlaqê ne, ev yek qirêjiyek reş e li eniya fûtbola tirk."

Tankut got ku ji bo teknîk dîrektorî divê Galatasaray ligel wan biaxiviya û got: "Ev gav ne li Tudor, ne li Galatasaray tê. Galatasaray dê salên dirêj di bin vê tohmetê de be."