Îzmîr
Konsera ku NÇM'a Îzmîrê li dar xist bi beşdariya bi hezaran kesî li dar ket. Di konserê de Mehmet Atli, Ayfer Duzdaş, Koma Rewşen û Koma Zerdeşt bi stranên xwe coş da gel.

Şaxa NÇM'ê ya Îzmîrê li Şanogeha Servekirî a Qada Fuarê ya Îzmîrê konsera dawiya salê ya fînalê li dar xist.
DTP, ÎHD, YDGM, Dayikên Aştiyê, ESP, EMEP, SDP û bi hezaran kes beşdarî konserê bû. Humermend Mehmet Atli, ji hunermendên NÇM'a Stenbolê Ayfer Duzdaş, Koma Rewşan û Koma Zerdeşt di konserê de stranên xwe pêşkêş kirin.
Konsera ku zêdeyî 5 hezar kesî lê guhdarî kir, rastî eleqeyek mezin hat. Li salona konserê pankartên, "Zimanê azad, çanda azad û mirovê azad", "Çand û hunerek bê dîsîplîn, bêîdeolojik û bêrêxistin nabe" û "Êdî bes e dawî li zordarî û girtinan bînen" hatin daliqandin.

Serokê Şaxa NÇM'a Îzmîrê Veysî Guneş di konserê de balkişand ser girîngiya çand û hunera gelê kurd û xwest ku herkes ji bo azadiya gelê xwe têbikeoşe.