Diyarname

Hevya Sor a Kurdistanê di navbera rojên 15'ê adara 2016'an û 15'ê berfanbara 2016'an de bi navê "Projeya Malbatên Xwişk û Bira" xebatek ji bo gelê Şirnexê û navçeyên din ku hatin mexdûrkirin da dest pê kirin.

Li ser vê saziyê daxuyaniyek da û got: "Saziya Heyva Sor a Kurdistanê bi ragihandina kampanya alîkariya lezgîn, hewl da bibe bersiva hêvî û daxwazên xelkê Şirnexê. Wekî gava pêşî ya vê kampanyayê, Heyva Sor a Kurdistanê beriya niha 500 hezar Euro, 30 hezar dolar û 25 hezara Frankên Swîsreyî şandibû. Di çarçoveya heman kampanyayê de, Heyva Sor a Kurdistanê berî çend rojan 500 hezar Euroyên din gihand xelkê Şirnexê."

Û vane hin daneyên din:

-Li Cizîr 1003, li Nisêbîn 921, li Şirnex 856, li Sûr 748, li Gever 512, li Silopî 295, li Hezex 282, li Qilaban 3 û li Kerboranê malbatek wekî "malbata xwişk û bira" hat hilbijartin û alikarî ji bo wan çû.

- Herî zêde ji Almanyayê malbatên xwişk û bira hatin hilbijartin. 1531 kesî ji Almanyayê malbatek hilbijartin. Piştî Almanyayê bi 552 kesî bakurê Kurdistanê û Tirkiye tê û di rêza sêyem de Swîsre tê: 539 malbat.

- Bi rêzê 5 welatên din ên herî zêde malbat hilbijartine:

Fransa: 497

Îngilistan: 353

Swêd: 188

Kanada: 162

Awustralya: 163

- Ji Norwêc heta Japon, ji Îtalya heta Fînlandiya li gelek welatîn alîkarî ji bo projeya malbatên xwişk û bira hat dayîn.

Rêveberiya Heyva Sor a Kurdistanê di dawiyê de got ku ew ê hemû derfetên xwe ji bo alîkariya xelkê Şirnexê bikar bîne û banga hestiyariyê li tevahiya kurdistaniyên Ewropa û cîhanê kir.