Diyarname
Malpera Netkurdê nûçeyeke li ser pirtûka Mezher Bozan çêkiriye lê agahiyên şaş pêşkêş kiriye.
Ji Weşanên Nûbiharê sê pirtûk bi hev re derketin. Û me bi kurtahî nûçeya wan di 11.06.2009'an de (1) di Diyarnameyê de weşand.
Netkurdê jî ji van pirtûkan nûçeya du pirtûkan bi sernavê "Ji weşanxaneya Nûbiharê du kitêbên nû" di 12.06.2009'an de weşand.
Di nûçeya Netkurdê de wisa tê gotin: "Kitêba helbestan ya helbestvan û niviskar Mezher Bozanî bi navê ‘Yezdan dizane di nava weşanên Nûbiharê de derket. Di vê kitêba helbestvan de sê helbestên bi tirkî û çarên bi swêdî jî cîh digrin."
Pirtûk li ber destê me ye. Lê di pirtûkê de ne sê helbestên bi tirkî hene, ne jî çar helbestên bi swêdî hene. Pirtûk ji serdanpê bi helbestên kurdî ye, têde ne tirkî, ne jî swêdî heye.
Netkurdê çima tişteke wisa nivîsandiye em nizanin. Kî ev agahî daye Netkurdê em wê jî nizanin. Lê kî agahî dabe şaş daye, edîtorên malperê jî agahiya şaş çap kiriye.
Wisa diyar e ku malperên me kurdan divê zêdetir hay ji mailên ku ji wan re diçin hebin. Divê zêdetir hay jê hebin ku her nûçeyeke ku ji ciheke bigirin, yan jî ji wan re bê şandin ne rast e.
Li ser pirtûka duyem jî Netkurdê dîsa şaşî kiriye. Di wê de jî navê pirtûkê şaş hatiye nivîsîn.
Wekî di wêneyê de jî diyar e navê pirtûka Herîrî ku Muftî Mela Ehmed Meylanî wergerandiye "MEQAMAT" e, lê Netkurdê wisa nivîsiye: "Meqamet".
Ev e tiştê ku bi temamî Netkurdê nivîsandiye li ser pirtûka duyem: "Nûbiharê herweha kitêba Herîrîyî ya binavê Meqametê bi wergera Muftî Mela Ehmed Meylanî bi kurdî weşand"
**
Nûçeyên eleqedar:
.jpg)
.jpg)
