Diyarname

12 fîlmên di Festîvala Filman a Edeneyê de dê bikevin pêşbaziyê diyar bûn. Derhênerê kurd Hinar Selîm jî bi fîlmê "Dar Elbîse" (Fistanê Teng) ku bi zimanê tirkî ye beşdar dibe. Ji derhêneran Handan Ozturk bi fîlmê xwe "Bana Git De" (Ji min re bibêje here) beşdar dibe. Ozturk fîlm li Riha, Elezîz, Dêrsim û Stenbolê kişandiye; çîroka gîtarîstekî ku li Stenbolê tengijiye ber bi rojahilat ve dikeve rê û çîroka keçikek ji rojhilat ji bo bibe stranbêj direve ber bi Stenbolê ve hatiye pêşkêşkirin.

Ji filmên nav pêşbaziyê Rehat Erdem bi fîlmê xwe "Koca Dunya" (Dinyaya Mezin) ku li 73'emîn Festîvala Fîlman a Venedîkê xelata taybet a Juriyê girt, dîsa derhêner Çagan Irmak bi fîlmê xwe "Nadide Hayat" beşdar dibe.

Yek ji derhênerên navdar ê Tirkiyeyê Dervîş Zaîm jî bi fîlmê xwe "Ruya" (Xewn) beşdarî festîvalê dibe.

Fîlmên din ên vê beşê ev in:

-  “Agustos Bocekleri ve Karincalar” (Der: Erhan Tuncer)- “Album" (Der: Mehmet Can Mertoglu)

- “Babamin Kanatlari” (Der: Kivanç Sezer)

- “Geçmiş" (Der: Çagdaş Çagri)

- “İftarlik Gazoz" (Der: Yuksel Aksu)

- “Mehmet Salih” (Der: Guven Beklen)

- “Tarla” (Der: Cemil Agacikoglu)

23'yemîn Festîvala Fîlman a Edeneyê îsal di navbera 19-25'ê rezberê de li dar dikeve. Îsal 55 fîlmên metrajdirêj serî lê dan, ji van 12 ji bo pêşbaziyê hatin hilbijartin.

Di pêşbaziyê de fîlmên ku xelata Fîlmê Herî Serketî bigire dê bibe xwedî 350 hezar TL pereyî jî. Bi giştî ji bo pêşbaziyan 840 hezar TL hatiye veqetandin.