Diyarname

Ji bo serdema 2016-2017 a Lîga Super ya Spor Totoyê pişke hatin kişandin û fîkstur diyar bû.

Lîga Super ya Spor Toto îsal bi navê Serdema Turgay Şeren tê lîstin. Ji bo fîksturê îro li avahiya TFF'ê (Federasyona Futbolê ya Tirkiyeyê) ya li Rîvaya Beykoza Stenbolê pişte hat kişandin.

Li gor fîksturê maçên hefteya pêşîn dê rojên 19-20-21-22'yê gelawêja 2016'an dê bêne lîstin. Serdema îsal dê 24'ê berfanbara 2016'an bi dawî bibe, piştî navberê, serdema duyemîn dê rojên 7-8-9'ê rêbendana 2017'an dest pê bike. Her wiha hefteya dawî, yanê hefteya 34'emîn a vê serdemê dê roja 21'ê gulana 2017'an bê lîstin û serdem temam bibe.

Di Lîga Super ya Spor Totoyê de hefteya yekemîn ev maç dê bêne lîstin:

- Antalyaspor-Osmanlispor

- Adanaspor-Bursaspor

- Beşiktaş-Alanyaspor

- Trabzonspor-Kasimpaşa

- Gençlerbirligi-Gaziantepspor

- Rizespor-Konyaspor

- Kayserispor-Akhisarspor

- Başakşehir-Fenerbahçe

- Galatasaray-Karabukspor

Hefteya derbiyan jî diyar Bû. Derbiya yekemîn di hefteya 5'an de roja 25'ê rezberê di navbera  Beşiktaş - Galatasaray de bê lîstin.