Diyarname

Di roja duyemîn a Şampiyoniya Fûtbolê ya Ewropayê (Euro 2016) ku li Fransayê li dar dikeve de berî maça Îngilistan û Rusyayê şer derket. Maç dê li Marsilyayê li dar biketa lê alîgirên her du tîman bi hev re pevçûn. Ber êvarkî asta pevçûnê bilindtir bû. Polîsên Fransayê bi ava bi şid û gaza çavsotîner êrîş kir, temaşevan belav kirin. Ji ber bûyeran gelek kes birîndar bû. Hat îdîakirin ku kesek miriye. Li gor îdîayê temaşevanekî îngilîz miriye lê heta niha agahiyek fermî yan erê yan na ji bo vê nehatiye. Şefê Polîsan ê Fransayê Laurent Nunez ji bo AP'yê (Associated Press) axivî got ku 5 kes birîndar bûne û 6 kes jî hatine binçavkirin. 

Du kanalên televîzyonê gotin ku li qadê yekî qeyrana dil derbas kiriye lê tu agahiyên din neweşandin.

Serokê "Yekîtiya Hemû Alîgirên Rusan" Aleksander Shprygin (Dewleta rus û nivîskarên sporê bi awayekî fermî didin vê saziyê) ji bo AP'ê axivî û îdî a kir ku ji ber alîgirên îngilîz ên sermest ku tevgerên derveyî exlaqê kirin bûyer derketine. 

UEFA'yê bûyer şermezar kir

UEFA'yê di cih de daxuyanî da. Ji malpera fermî wisa hate gotin: "UEFA bûyerên li Marsilyayê derketine şermezar dike. Ev kesên di nav şîdetê de cih giritne nikarin di nav fûtbolê de cih bigirin."

*** 
Ji bo rûpela hemû nûçeyên li ser tûrnûvayê û rûpela taybet:

- EURO 2016: