Diyarname
Rojên Fîlmên Kurdan îsal di meha gulanê de li dar dikeve. Fîlmên dê bêne nîşandayîn diyar bûn.

Rojên Fîlmên Kurdan a li Almanyayê ji aliyê Yekîtiya Xwendekarên Kurdistanê (YXK) ve tê li dar xistin.
Beşa YXK'ê ya Augsburga Almanyayê 1'emîn Rojên Fîlmên Kurdan di navbera 1-3'yê gulanê de li dar dixe. Piştî vê, çalakî dê li bajarên Stutgart û Hamburgê jî li dar bikeve.

AUGSBURG

Li Augsburgê li salona sînemayê ya Begegnungszentrum Zeughaus Zeugplatz 4, 86150 de dê fîlm bêne nîşandayîn. Di nav fîlmên ku dê bêne nîşandayîn de  fîlmên wekî "David der Tolhildan’ (Mano Xalil), "Gozmece" (Aydin Sevinç), "Nîvê Heyvê" ûi "Kûsî jî dikarin bifirin" (Behmen Qubadî), ‘Beden Ayetleri’ (İlhan Bakir), ‘Close Up Kurdistan’ (Yuksel Yavuz), ‘Kirmizi Kalem’ (Ozgur Findik), ‘Zaroken Axa Qelişî’ (Omer Leventoglu) bêne nîşandayîn. Di çalakiyan de fîlmek kurt û yek dirêj dê bi hev re bêne nîşandayîn.
Di çarçoveya çalakiy3e de kurtefîlmê Halil Uysal jî yekem car bê nîşandayîn

STUTTGART

Çalakiya li Stutargê dê li Cinemaxx'ê (navnîşan: Robert-Bosch-Platz,70174 Stuttgart) di navbera 8-10'ê gulanê de li dar bikeve. Li vê derê 2'yemîn Çalakiya Fîlmên Kurdan bi nîşandayîna fîlmê derhêner Kazim Oz "Bahoz"ê dest pê bike.

HAMBURG

Li Hamburgê jî sêyemîn car ev çalakiya nîşandayîna fîlman li dar bikeve. Rojên fîlman ên li Hamburgê 20'ê mehî li Zanîngeha Hamburgê li salona Audimaxê bi konsera hunermend Tara Caf dest pê bike. Ev çalakî jî bi nîşandayîna Kazim Oz dest pê bike û Oz jî dê di vekirina çalakiyê de amade be.
Çalakiya rojên fîlman heta 26'ê mehê dê lidar bikeve û di vê çarçoveyê de derhêner Kazim Oz, Mujde Aslan û Ozgur Findik derkevin pêşberî temaşevanan û bi wan re sohbetê bikin.

Ji bo agahiyên berfireh: www.yxk-online.com