Diyarname

Di civînên Şaredariya Amedê ya bi gel re de daxwazên balkêş derdikevin holê. Vê carê ciwan rabû û got: Ji min re keçikê bixwazin.

Şaredarê Bajarê Mezin ê Amedê Osman Baydemîr 47'emîn car civîna bi gel re li Salona Sînemaya Bêrikê ya Burhan Karadeniz a Şaredariyê pêk anî.

Di civînan ku gel daxwazên xwe, rexne û pêşniyarên xwe ji bo Şaredariyê tînin ziman carinan tiştên balkêş jî derdikevin. Mînak xaloyek  daxwaza kompîturek kir ku helbestên ku bi dest nivîsîne pê bikişîne nav kompîturê... Ciwanekî jî ji Baydemîr xwest ku di warê xwestina keça ku jê hez dike alîkarî xwest. Ciwanê ku hatibû civînê da zanîn ku ew ji keçikê hez dike lê malbat keçikê nade wî û li ser vê yekê jî ji Baydemîr xwest ku here malbatê qanî bike. Li ser vê Baydemîr bişirî û got- "Înşela dê çêbe. Tiştê ji destê min bê ezê bikim."

Di civînê de bi giştî daxwaza kar û alîkariyê hate ziman.

Û hin daxwazên din:

- Jinek wisa got: Ez ji mêrê xwe cihê bûme. Mîlyareke deynên min ên avê û 500 YTL jî deynên min ên elektrîkê hene. Xwediyê malê jî min ji mal derdixe.

 - Du ciwanên ku dibistan xelaskirina kar xwestin.

- Jinek wisa got: Birê min di saziyeke dewletê de dixwebite, deynên wî yên  krediyê hene, dê ji ber van deynan întîxar bike. Xêra xwe alîkarî bikin.

- Hin xwendekaran burs xwest.

Baydemîr piştî hemû daxwazên gel not girtin got: "Tiştên ji destê me bê emê bikin.  Tiştên em nikaribin bikin bi awayekî nivîskî emê bersivê bidin we.