Diyarname

Li Silopî û Cizîrê Midûrên Perwerdehiya Neteweyî bi rêya telefonên destan peyam ji bo mamosteyên dibistanan şandin û wisa gotin: "Hemû mamoste û rêveberên dibistanan ji aliyê Wezareta Perwerdehiya Neteweyî ve ji bo semînerên navxweyî hatine vexwenrin. Mamoste dê li bajarên lê bûyî beşdarî van semîneran bibin." Bi vî awayî destûr dan hemû mamoste û rêveberên dibistanan. Bi vî awayî dibistan vala kirin. Sibê û heta demek nediyar jî dibistan girtîne. Bi vê yekê pirsa gelo li van navçeyan dê şer û pevçûn, pêre jî komkujî çêbibe loma mamoste û rêveber vekişandin derket holê.

Li Cizîrê 104 dibistan hene û 431 û 127 xwendekaran li van dibistanan dersê digirin. Ji mamosteyan 1298 kes ne ji Cizîrê ne û ji derve hatine. Bi vê peyamê wan dest pê kir ji navçeyê derketin.

Li Silopî jî 68 dibistan hene û bi giştî 39 hezar û 128 xwendekar hene. Li Silopî 1701 mamoste hene. 

Ji bo mamosteyên li Cizîrê nehatiye gotin ku çend roj dibistan nîn e û lêji bo yên Silopî hatiye gotin ku rojên 14-15-16'ê mehê ew bi destûr in.

DÎHA: Gelek leşker şandin Cizîrê

Her wiha Ajansa Nûçeyan a Dîcleyê (DÎHA) ragihand ku di rojên dawî de gelek hêzên leşkerî şandin Cizîr û Silopî. Her wiha di nûçeyê de hat gotin ku li Cizîrê polîs bi erebeyên zirxî li kolanên Orhan Dogan, Yafes û Arîn Mîrxan wekî konvoy geriyan, ji ber gaza çavsotîner avêtin esnafan mecbûrî dikanên xwe girtin.