Diyarname

Mebûsê HDP'ê Sirri Sureyya Onder di bernameya CNNTurkê de li ser 'Danezana Dolmabahçeyê' got ku haya hemû rayedarên dewletê û AKP'ê ji wê hebû, dizanîn emê çi bixwînin û gotina ku 'haya me jê nîn bû' derew derxist.

Onder di bernameya "Tarafsiz Bolge" ya Ahmet Hakan de bersiva pirsên Deniz Zeyrek, İsmail Saymaz û Erdem Gul da.

Vane hin gotinên Onder:

- Vê carê ji Semsûrê emê du mebûsan derxin.

Dewlet qatil e

- Ger hûn bi ser komkujiyên berê de neçûbûn, yên li pişt kiryaran dernexistibin pêş, car bi caran jî çav li wan girtibin, wê çaxê hûn jî bi qasî qatilan sûcdar in. Dema em dibêjin 'dewlet komkuj e' em qala vê dikin, ne ku em dibêjin li Civîna Wezîran biryar girtine û komkujî kirine.

Em wekî partî beşdar bûn, têkilî qut bû

- Ji 7'ê pûşperê ve têkiliya me bi hikumetê re qut bû. Dema me biryar da ku wekî partî emê bikevin hilbijartinê êrîşên li hemberî me dest pê kir. Birêz Serokomar piştî ku 'ew wêne ne rast bû', 'pirsgirêka kurd nîn e', ji wê rojê de me êdî hindik peywirdarên hikumetê, yan jî hindik rayedar me dîtin.

Her ku li me dide em mezin dibin

- (li ser pirsa 'reyneyên Serokomarê Tirkiyeyê Erdogan') Ez bi gotina wî bersivê bidim "Her ku wan li me da, em mezin bûn", ez jî dibêjin her ku ew li me dide em mezin dibin.

- Ger Serokomar me dike terorîst, dibêje me sûc kiriye, çi divê bila bike. Çima nakin? Hem vê dibêjin hem jî nakin, wê çaxê gotinên wî pûç û vala ne.

Em bibêjin dest ji çek berdin jî ev ne çare ye

- Em hezar qatî bibêjin dest ji çek berde jî bi vî awayî mesele çareser nabe.

- Tekane rayedar birêz Ocalan e. Ocalan di hevdîtina dawî de ji me re got "Ev pir bêcidî ne, dibe ev hevdîtina me ya dawî be. Ger ligel heyeta çavdêrî hûn neyên, min mirî bihesibînin û neyên vir."

- Divê hûn bên vê meseleyê ligel hemû muxataban, bi awayekî eşkere nîqaş bikin. Çiqas dimome bila bidome, heta û heta bidome jî ji kuştina kesekî baştir e.

1'ê sermawezê dengên mezin

- Di 1'ê sermawezê de wê wisa dengên me bilind bibin, her kes dê şaş bibe. Ez li Enqereyê diçim gundan digerim, her kes xweş pêşwazî dike, piştî min muxtaran û rayedaran dişînin gundiyan tehdîd dikin. Ez careke din diçim, ez baweriya gel dibînim.