Diyarname

Belgefîlmê derhêner Asif Kapadia ê bi navê "AMY" ku li ser jiyana hunermend Amy Winehouse hatiye kişandin ket vîzyonê. Belgefîlm li sînemayên Îngilistanê di hefteya yekemîn a nîşandayînê de 519 hezar Euro pere da hev û bi vê yekê rekor şikand.

"Amy" di dîroka Îngilistanê, di nav hemû belgefîlman de yekemîn belgefîlm e ku di hefteya xwe ya yekemîn de ew qas pereyan bi dest dixe. Bi vê gîşeyê AMY li dinyayê jî bû duyemîn belgefîlmê ku di hefteya yekemîn de ew qas pereyan dide her hev.

Di sala 2004'an de Michael Moore belgefîlmekî bi navê "Fahrenheit 9/11" kişandibû û rekor şikandibû, ev rekora yekemîniyê hê di destê Moore de ye.

AMY li Îngilistanê li 133 salonên sînemayê ket vîzyonê û di 10'ê mehê de wê hejmara salonên ku têde tê nîşandayîn derkeve 200'î.

Hat ragihandin ku belgefîlm li DYA'yê (Dewletên Yekbûyî yên Amerîkayê) jî gelek tê temaşekirin. Li DYA'yê tenê li 6 sînemayan derket pêşberî temaşevanan û di hefteya xwe ya pêşî de 222 hezar dolar pere da hev. Belgefîlm hefteya pêşiya me de dê hê zêdetir li salonên cur bi cur bê nîşandayîn.

Belgefîlm îsal pêşî di Festîvala Fîlman a Cannesê de hatibû nîşandayîn. Malbata Amy Winehouse bertek nîşan dabû û gotibû ku belgefîlm rastiyan nîşan nade.

Tê gotin ku belgefîlm li Tirkiyeyê jî dê bê nîşandayîn lê hê dîroka wê diyar nebûye.

Amy Winhouse di sala 1983'yan de li  Southgate a Londona Îngilistanê hatibû dinê, di sala 2011'an de li Camdena Londonê mir. Ew ligel muzîka xwe bi tilyakkêşî jî, xirabûna rih ketibû rojevê.

Di sala 2006'an de herî zêde nav û d engê wê derket. Vê salê bi albuma xwe ya duyemîn "Back to Black" di 6 waran de ji bo Xelata Grammy wekî berendam hat nîşandayîn û di 5 waran de xelat girt.

Di salên li dû de jî bi albumên ku derxistin deng veda.