Mehmet Tezkan

Li Meclisê sê zagonên gelek girîng hatin qebûlkirin.. Rayeyên gelek mezin dan polîsan.. Polîs bi koda "ez jê ketim şikê" hema bibêje her tiştê bixwaze dê bikaribe bike..

Li nav kuçeyê heta fanilî û derpê li ser bimîne dikare mirovan tazî bike, bigire bin çavan..

Ne hewceye xeberê bide dozgeran jî..

Dê bibine navendê (!).. Yan jî cihê ew dixwaze bibe wê derê!. Bêyî xeberê bide kesî, bêyî hesabê bide kesî dê bikaribe biavêje nava "Renoya Spî"!.

Rewşek bi talûke.

Raye dan polîsan ku dikare bi guleyê lêde jî.. Bi îdîaya "min got qey çek di dest de ye, çetelastîk di dest de heye, molotof di dest de heye" pêl li tetikê bike...

Zagona yekemîn ev e.

-

Zagona duyemîn jî ev e.. Dîsa sansurek bê darizandin ji bo înternetê anîn.. Rayeya sansunkirinê dabûn Serokê TÎB (Serokatiya Înternetê ya Tirk). Dadgeha Zagona Bingehîn ev zagon betal kiribû... Hat bîra we ne? Hema bibêje heman zagon derxistin.. Lê gotinek wekî bi daxwaza serokwezîr an wezîr lê zêde kirin!..

Dest nedan ssansurê, ew ma li cihê xwe..

-

Ya sêyemîn, "ortulu odemek" (nota werger: Pereyên Xerckirinê yên ku bêyî hesabê bide têne xerckirin) dan Serokomar.. Dibêjin Serokomar dê vê 'ortulu odenekê' ji bo îstîhbarata veşarî bikar bîne!..

Ma 'ortulu odenek'a Serokwezîr tênê nedikir?

Mesele ne ew e. Mesele ev e...

Yek: Serokomar naxwaze girêdayî Serokwezîr be.

Didu: Dixwaze bikeve nav hin kirinan ku naxwaze haya serokwezîr ji van hebe.

Sê: Serokdewletî parçe bi parçe ber bi Beştepeyê ve tê barkirin.

-

Ev her sê zagon jî girîng in ne? Jiyanî ne ne? Ma hewce nake ku mirov li ser tiştinan binivîse...

Min bala xwe da nivîskarên alîgirê desthilatdariyê li ser tiştek nenivîsîne.

Negotin baş bû, gelek baş bû û pesnên van nedan (herhal şerm kirin) lê rexne jî nekirin..

Bêdeng man.. Qet li ser vê meseleyê nesekinîn...

-

Ez dibêjim: Hevalno huşbûn, hûşbûn revîn revîn heta ku derê!..

He.. Heta ku derê?

30.03.2015, Milliyet