Diyarname
Cocdark ku li Parîsa Fransayê de 2'yemîn Festîvala Fîlmên Kurdî ya Parîsê li dar dixe.

Cocdark (Kolektîfa Hunermend û Sînemagerên Kurd) dê festîvalê di navbera 19-25'ê sermawezê de li dar bixe.
Berpirsê bernameya festîvalê Alî Gul Donmez diyar kir ku bernameya festîvalê ya îsal tema bûye.

Di festîvalê de fîlmên derhênerên kurd û fîlmên ku li ser kurdan hatine kişandin dê cih bigirin.
Îsal beşeke bi navê "Hurmet ji bo hostayan" bê vekirin û di bin vê beşê de fîlmên ji welat û çandên din dê bê nîşandayî. Îsal di vê beşê de cih didin fîlmên derhênerê ermen Artavaz Pelechiand.

Festîval dê bi nîşandayîna kurtefîlmê derhenêr Batin Qubadî ê bi navê "Ev antên nakişîne" û bi fîlmê "Yol"a Şerîf Goren-Yilmaz Guney dest pê bike.

Di çarçoveya festîvalê de kurtefîlmê Arinsu Arslan "Kirinti", ê Yilmaz Arslan "Biratiya Penaberî" derkevin pêşberî temaşevanan. Her wiha fîlmên Atolyeya Belgefîlm Sînemayê ya Silêmaniyeyê ku bi însiyatîfa derhênerên frasiz Baudoin Koenig li dar ketiye jî bêne nîşandayîn.

Derhênerên wekî Celal Jonroy, Kazim Oz, Gulsel Ozkan, Nuray Şahin, Yuksel Yavuz, Hinar Selîm, Behmen Qubadî, Mano Xelîl, Kudret Guneş, Mansur Tural, Kawa Akreyî, Erwan Briand, Baudoin Koenig, Fulvia Alberti, Mylène Sauloy, Milena Bochet, Andrè Metayer û Susan Kornalijnslijper vexwendine fesTîalê.

Ji bo agahiyên berfire: www.festivalcinemakurde.fr

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.