Diyarname
Komeleya Nivîskarên Sînemayê (Siyad) 40'emîn Xelatên Xwe yên Sînemayê li  TÎM Maslak Show Center bi şevekê dan. Di şevê de derhêner Semih Kaplanoglu bi fîlmê xwe "Yumurta" 8 xelat berhev kir.
"Yumurta"yê xelata derhênerê herî serketî, fîlmê herî serketî, lîstikvanê herî serketî, senaryoya herî serketî jî têde bi giştî 8 xelat girt. Di şevê de  "Adem'in Trenleri" (Trênên Adem), "Mutluluk" (Dilşadî) û "Sis ve Gece" (Mij û Şev) jî her yekê yek xelat girt
Serokê SIYAD'ê Murat Ozer di axaftina xwe de bal kişand ser girîngiya 40'emîn xelatdayînê ya ji bo wan û got; "Ji bo 40 salî me xwest hin tiştan bikin. Me pirtûka 40'emîn carê amade kir. Di Festîvala Fîlman a Stenbolê de dê 'Beşa Taybet a Siyadê' çê bibe û têde fîlmên ji Tirkiyeyê û fîlmê biyayî yê herî serketî yê 40 salan bê nîşandayîn, her wiha dê panelên me jî çêbin. Dîsa bi sazkirina lijneyan sala bê emê di warê belgefîlm û kurtefîlmên herî serketî de jî xelatê bidin."
Lîstikvan Derya Alabora bi rola xwe ya di "Adem'in Trenleri" de xelata lîstikvana duyemîn a herî serketî, Îlyas Salman jî bi rola di "Sis ve Gece" de xelata lîstikvanê duyem ê herî serketî girt. Zulfu Lîvanê bi muzîka "Mutluluk" xelata muzîka herî serketî girt û got; "30 sal berê bi muzîka 'Suru (Kerî)' min xelat ji Siyadê girtibû lê piştî du salan 12'yê Rezberê hat, zehmetî derketin, Siyad hat girtin lê niha Siyad heye 12'yê Rezberê nîn e. Niha jî hin zehmetî hene lê ez bawerim emê van jî derbas bikin."

Di şevê de lîstikvan Kadir Înanir, Mujde Ar û Safa Onal "Xelata Rûmetê", Ustun Karabol jî "Xelata Kedê" girt. Siyadê Xelata Ciwanê ku Hêvî Dide jî îsal da  Melis Birkan.
Mujde Ar ku xelata xwe ji destê derhêner Halit Refig girt, bi girî diya xwe Aysel Gurel ku çend roj berê mir bibîr anî û got, "Dema diya min bihîst vê xelatê didin min gelek kêfa wê hat. Wê di şanogehan de em li kûlîsan li ser sindoqan dikir xewê û bi vî awayî em mezin kirin. Ez vê xelatê diyarî wê dikim."

Lîstiya xelatgiran:
- Fîlmê Herî Serketî: Yumurta
- Derhênerê Herî Serketî: Semih Kaplanoglu (Yumurta)
- Senaryoya Herî Serketî: ya Mahmut Tali Ongoren: Semih Kaplanoglu, Orçun Koksal (Yumurta)
- Xelata Cahide Sonku ya Lîstikvana Herî Serketî: Saadet Işil Aksoy (Yumurta)
- Lîstikvanê Herî Serketî: Nejat Îşler (Yumurta)
- Listikvana Herî Serketî yê Duyemîn: Derya Alabora (Adem'in Trenleri)
- Lîstikvanê Herî Serketî yê Duyemîn: Îlyas Salman (Sis ve Gece)
- Dîmena Herî Serketî: Ozgur Eken (Yumurta)
- Muzîka Herî Serketî: Zulfu Livaneli (Mutluluk)
- Derhenêra Hunerê ya Herî Serketî: Naz Erayda (Yumurta)
- Vesazkirina Herî Serketî: Ayhan Ergursel, Suzan Hande Guneri, Semih Kaplanoglu (Yumurta)