Diyarname
Yek jê ya helbestan yek jî ya çîrokan du pirtûkên nivîskar Cîhan Roj bi hev re ji Weşanên Do derketin.

Cîhan Roj ji salên nodî ve bi nivîsê re eleqedar e û heta niha li gelek rojname, kovar û malperan nivîsên wî hatine weşandin. Roj, ku niha di malpera me Diyarnameyê de qunciknivîkarê dike yekem car pirtûkeke wî ya helbestan derketibû û dûre jî pirtûka wî ya çîrokan. Cîhan Roj niha bi du pirtûkên xwe derket pêşberî xwendevanên xwe: “Derîyê Çîrokê” û “Aqil Diçe Sewda Dimîne”.

Fermo: Deriyê Çîrokan vebû

Pirtûka “Deriyê Çîrokan” duyemîn pirtûka çîrokan a Cîhan Roj e. Di pirtûkê de gelek çîrok bi mijarên balkêş cih digirin. Her yek bi awayekî balkêşiya xwe nîşan dide.

"Deriyê çîrokê" ku navê xwe daye pirtûkê bi balkêşiya xwe hêjayî xwendiye; "Teqîna debo" henekên xwe bi cerdevan dike, cerdevanên ku di halê henekiyê de ne.
"Şevîndar" çîrokeke dilşewat e, çîroka keçikek ku bavê wê dixwaze bide kalek û întîxara wê keçikê bi marekê... Çîroka dengbêjekî, yan jî dengbêjan e "Deng û xaç" û "Du resim, du dayik", du hest, du jiyan... Çîroka dayikek ku kurê wê li leşkeriyê, û yê dayika din jî li çiyê ye, de were safî bike.
Di pirtûkê de bi navê “Deriyê Çîrokê”, “Dîwar û Dara Hejîrê”, “Teqîna Debo”, “Marya”, “Berf û Gotinên Mê”, “Çîk! Kî me ez?”, “Delal”, “Benê Daliqandinê”, “Firotina Çîkolatayê”, “Ehmedê Delal”, “Çeqmaqçî an jî Akîneton Pirtûk”, “Şevînda”, “Bajarokê bi du çarşî”, “Deng û Xaç”, “Mala Matê”, “Du resim du dayik” çîrok hene.

Dema Aqil Biçe Sewda Dimîne

Piştî "Ratîka"yê pirtûka duyem helbestan a Cîhan Roj jî “Aqil Diçe Sewda Dimîne” ye. Di pirtûkê de nêzî 50 helbestî hene. Redaksiyona pirtûkê Kawa Nemir kiriye. Nemir wisa dibêje li ser pirtûkê, “Helbesta helbestkar Cîhan Roj -û êdî çîroknûs- ji dîwana wî ya pêşîn a bi navê Ratîkayê heya vê dîwanê, li ser pergala dengê wî yê navxweyî yê xweserî wî, bigirin ji yeka ku em bibêjin hewldide helbestên ku bergeh û kêliyên biçûk, lê têrtijî, hildidin binê qeftê, heya helbestên ku xemên wî yên civakî di takekesitiya wî re dadiqalinin û tînin mexderê, gilî dike. Lewma reng e mirov bibêje risteyên wî dişibin 'tamatêzên kal ên ku di binê kayê de sor dibin" û bi dengekî naîf jî, gotineke durist dike, dibêje: Ey şeva bêkiras/mirovên ku jê hez dikim/ ne bextewar in!”

Cîhan Roj kî ye?

Nivîskar Cîhan Roj di sala 1965'an de li gundê Înaqe ya Vartoyê hatiye dinê. Zanîngeha Behra Reş a Teknîkî Beşa Mamostetî qedandiye. Di sala 1993'yan de dest bi nivîsa bi kurdî kiriye û ji wê rojê de heta niha di gelek kovar, rojnameyan de nivîsên wî hatine weşandin. Cîhan Roj ku niha di Diyarnameyê de qunciknivîskarî dike, heta niha ev berhemên wî derketine:
Ratîka, helbest, Weşanên Sî, 2002
Meyman, çîrok, Weşanên Lîs, 2006
Aqil Diçe Sewda Dimîne, helbest, Weşanên Do, 2008
Deriyê Çîrokê, çîrok, Weşanên Do, 2008

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.