Diyarname

Bi beşdariya weşanxane û nivîskarên kurd Fûara Pirtûkan a Amedê deriyên xwe vedike.

Fûara Pirtûkan a Amedê îsal 17'ê gulanê dest pê dike û 22'yê gulanê bi dawî dibe. Îsal weşanxaneyên kurdan jî têde li dor 100 weşanxane û saziyên sivîl beşdarî fûarê dibin. Di fûarê de konferans, gotûbêj, panel, helbestxwendin jî têde li dor 40 çalakiyên çandî dê li dar bikevin. Her wiha li dor 300 nivîskarî jî dê li fûarê amade bin û pirtûkên xwe îmze bikin.

Fûar her roj dê di di navbera saetên 10.30-20.30'yî dê deriyên wê vekiribîn lê roja dawî dê saet 19.30'î de bê girtin. Her wiha ketina fûarê jî bê pere ye.

Îsal weşanxaneyên kurdan ên wekî Aram, Ava, Avesta, Belkî, Deng, Do, Lîs, Nûbihar, Perî, Ronahî, Vate û Weşanên Evrenselê ku digel pirtûkên kurdî ev salên dawî bi kurdî jî pirtûkan çap dike beşdarî fûarê dibe. Di nav saziyên sivîl ên ku beşdarî fûarê dibin de jî Şaredariya Bajêr a Amedê, Enstîtuya Kurdî ya Amedê, Komeleya Nivîskarên Kurd a Amedê, Şaxa PEN'ê ya Amedê û kovara Tîrojê dê standê vekin.

Ji nîqaşa klasîkên kurdî bigire heta çîroka kurdî, heta wêjeya kurdî ya li Kafkasê, heta rojnamegeriya kurdî û azadî dê gelek mijar bêne nîqaşkirin.

Vaye ji bernameya Fûara Amedê hin çalakî: