DÊRSIM
9'emîn Mîhrîcana Çand û Xweza ya Mûnzûrê bi fînalek bêhempa bi dawî bû. Di konsera 50 hezar kes beşdar bû de hemwelatî bi stranên hatîn gotin coşiyan.

Mîhrîcana Çand û Xweza ya Mûnzûrê bi fînalek li Stadyûma Bajar pêk hatî ya bêhempa bi dawî bû. Di konsera 50 hezar kes beşdar bû de hemwelatî bi stranên hatîn gotin coşiyan. Di şeva fînalê ya mîhrîcana 3 rojan bi çalakiyên çandî û xwezayî yên cur bi cur berdewam kir de Koma Mûzîkê ya GKM'ê, Emre Saltik, Ferhat Tunç, Grup Mûnzûr û Zerrîn Ozer derketin ser dikê. Di konsera 50 hezar kes beşdar bû de humermendan stranên xwe ji bo Mûnzûrê gotin. Di konserê de sloganên, "Mûnzûr azad e dê azad biherike", "Bila Mûnzûr bibe qada parastinê" û "Mûnzur rûmet e xwedî li rûmetê derkeve" avêtin. Di mîhrîcanê de li hemberî bendavên li ser Mûzûrê bên çêkirin, nerazîbûn derket asta herî jor.

'Mîhrîcan bi kedek mezin derbas bû'

Koma Muzîkê ya GKM''ê ku derket ser dîkê bi sitranên kurdî yên ku gotin demên bi coş dan jiyandin. Hemwelatiyan li ber stranan govend gerandin. Emre Saltik jî, bi tirkiyên ku gotin demên xemgîn û bi coş dan jiyandin. Saltik, balkişand ser bendên ku tên westin li ser Munzurê bên çêkirin û têkoşîna li hember bandan slav kir. Ferhat Tunç jî ku derket ser dikê û axaftinek kin kir û anî ziman ku berê mîhrîcan dibin siya tirs û qedexeyan dihate çêkirin û da zanîn ku mîhrîcanên ku niha bi coş tên û bê tirs tên li darxistin ji qedexeyan bersivek e. Tunç diyar kir ku mîhrîcanek berendamê mîhrîcanên navneteweyîye û diyar kir ku mîhrîcana îsal baş derbas bûye û ev serkeftin jî wekî bi saya Şaredara DTP'ê ya Dêrsîmê Edîbe Şahîn, nîşan da û spasiyê xwe kir. Tunç, piştre bi tirkî û kurdî sitirî heskiriyên xwe mest kir. Her wiha ku Koma Munzur û Koma Azad jî, derket ser dikê bi eleqeyek mezin hatin pêşwazîkirin.

Di mîhrîcanê de siya Zerrîn Ozer!

Zerîn Ozer ji ber ku ji dema dabûnê zêdetir ma li ser dikê ji hêla rayedaran ve hate hişyarkirin. Ligel ku Ozer mafê du hunermendên li dû wê binpê kir jî bi gotina, "Tu bi aqil bî hedê xwe bizane" heqaret li kesê ew hişyar kirî, kir. Li ser vê yekê çend komên zêde alkol hildayîn jî ketin nav tevgerê û gengaşiyek dem kin, pêk hat. Piştî Ozer ji ser dikê, daket hind kesan şîşe avêtin ser dikê û çend kes bi sivikî birîndar bûn. Ji ber aloziyên ku derketin girseyê dest bi belavbûnê kir. Di encama hişyariyan de gengaşî bi dawî bû. Piştre girse belav bû.

Ji DÎHA'yê hatiye girtin