AMED

Dadgeha Tirkiyeyê careke din bi ya xwe kir û navê "Kurdistan"ê ku berê Wezareta Karên Tirkiyeyê qebûl kiribû nepejirand.

Demek berê Partiya Demokrat a Kurdistanê ya Tirkiyeyê (PDK-T/T-KDP) bi awayekî fermî li Tirkiyeyê hatibû damezirandin. Wezareta Karên Hundir a Tirkiyeyê navê Kurdistan di nav navê partiyekê de şaş nedîtibû û qebûl kiribû. Dûre hinek parêzerên kurd rabûn bi navê "Komeleya Hiqûqnasên Kurdistanê" komeleyeke ava kirin lê dadgehê "Kurdistanê" bi sedema "Li dijî Zagona Bingehîn e" qebûl nekir. 

70 parêzerî serî li Midûriyeta Komeleyan a Bajêr dabûn ku ew girêdayî Walitiya Amedê ne. Parêzeran xwestibûn bi navê Komeleya Hiqûqnasên Kurdistanê vekin. Walitiyê ji bo lêkolînê serdan ji bo Wezareta Karên Hundir şand. Di encama lêkolînê de wezaretê biryar da ku navê "Kurdistanê" li dijî mekeqanûnê ye û serdana parêzeran ya demezirandina komeleyê red kir. Midûriyeta Komeleyan ya Bajar a Amedê, ji bo ku ev tiştên li dijî zagonan bên guhertin agahî dan radeyarên komeleyê. Lê ji ber ku di nava dema xwe ya fermî de parêzeran bersiv neda vê yekê, komeleyê "hikmê şexsitî" (di tirkî de jêre "tuzel kîşîlîk" tê gotin) hilgirt û ji ber vê jî derbarê rêveberên komeleyê de li Serdozgeriya Komerê ya Amedê gilî hate kirin. 

Niha doz li dadegehê ye, li gor encamê dê komele karê xwe bidomîne yan rawestîne.