Hewlêr
Serokê Lijneya Bilind a Hilbijartinê ya Iraqa Federal Serbest Mistefa ragihand ku dê li Herêma Kurdistana Federal de roja 21'ê rezbera 2013'yan hilbijartin pêk bê. Mistefa got ku digel Hilbijartina Serokatiya Herêmê û parlemenê dê hilbijartiya eyaletan jî pêk bê.

Di dema hilbijartinê de dê hilbijartina eyaleta Misûl û Enbar ku hatibûn talopkirin jî bêne kirin.

Li gor gotina Mistefa di 23'yê gulanê de dema serîlêdana beşdariya hilbijartinê çêbûye û ev dem di 4'ê vê mehê de bi daw3i bûye. Serbest Mistefa dibêje ku ji bo partiyên ku belgeyên xwe di dema xwe de temam nekirine wan demek din ji bo wan diyar kirine û wisa got: "Ji nav partiyên ku serî li me dane me serîlêdana 12'yan qebûl kiriye û li ser 18 partiyan jî lêkolîna me didome. Heta çend rojan dê ev lêkolîn bi dawî bibe."

Dema hilbijartinê dê wisa bidome:
- Partiyên beşdarî hilbijartinê dibin di navbera 4-11'ê vê mehê de dê lîsteyên xwe teslîmê saziya hilbijartinê bikin.
- Ji bo endamtiya parlemenê serîlêdan di navbera 8-27'ê vê mehê de ye.
- Pêşlîsteya hatiya amadekirin 15'ê vê mehê dê daliqînin û heta 4'ê tîrmehê nerazîbûn hebin dê sererast bikin.

Wekî notek: Serê mehê PYÇDK'ê ragihandibû ku digel ji bo beşdariya hilbijartinê serî li saziyê dane lê heta niha tu bersiveke negirtine.