Diyarname
Serokê Giştî yê CHP'e yê berê, nivîskar û rojnameger Altan Oymen mir. Ew 93 salî bû.

Nivîskar, rojnameger û siyasetmedar Altan Oymen ev 3 roj bûn li Nexweşxaneya Florence Nigtingale ya li Stenbolê dihat dermankirin. Duh hatibû entubekirin, îro mir.

Altan Oymen kî ye?
Bi navê nasnameyê Mehmet Altan Oymen roja 20'ê pûşpera 1932'yan li Stenbolê hatiye dinê. Malbat bar dike Enqereyê, loma jî dibistana seretayî û navînê li wir dixwîne. 1955'an de li Malî Şume ya Siyasal Bilgiler a Zanîngeha Enqereyê lîsansa bilind temam dike.
Bi salan karên rojnamegerî dike. Di salên 1977 û 1995'an de ji CHP'ê dibe mebûs. Demekê dibe Wezîrê Çandê.
Di sala 1999'an de dema CHP bendava hilbijartinê derbas nake, Deniz Baykal îstîfa dike, Oymen dibe Serokê Giştî yê CHP'ê. CHP dide serhev lê koma Baykal di sala 2000'î de bi awayekî CHP'ê dikişîne kongreyê û serokatî jê digire.
Oymen bi salan di Cumhuriyetê de qunciknivîskarî kir. Wî heta niha nêzî 10 pirtûkan nivîsandibûn ku hin jê bîranînên wî bûn.