Diyarname
Şanoya Bajêr a Şaredariya Bajarê Mezin a Amedê Pêşbaziya Lîstikên Şanoyê ya Ebdurrehîm Rehmî Hekarî da dest pê kirin. Yên bixwazin heta 1'ê gelawêjê dikarin berhemên xwe bişînin ber destên amadekaran. Encamên pêşbaziyê wê hefteya yekem a meha kewçêrê bêne eşkerekirin. Tekstên bêne şandin divê bi kurdî bin.

Pêşbaziya Lîstikên Şanoyê ya Ebdurrehîm Rehmî Hekarî îsal 7'emîn car dê li dar bikeve. Ji 11'ê vê mehê heta 1'ê gelawêja 2025'an yên bixwazin dikarin tekstên xwe bişînin ber destên amadekeran.

Şanoya Bajêr a di bin banê Serokatiya Daîreya Çandê û Karûbarên Civakî ya Şaredariya Bajarê Mezin a Amedê de kar dike pêşbazî organîze dike. Armanc jê ew e ku nivîsandina lîstikên bi kurdî pêş bixe, nivîskarên nû teşwqî bike û tekstên kurdî ji bo repertuara şanoya kurdî pêş bixe.

JURÎ Û ŞERTÊN PÊŞBAZIYÊ
Juriya hilbjartinê ya pêşbaziyê ji Dr. Ghotbedin Sadeghi, Helket Edrîs, Kawa Şêxê, Rûgeş Kirici û Şîlan Alagoz pêk tê. Xelatên pêşbaziyê dê bi navê nivîskarê lîstika kurdî ya pêşî "Memê Alan (1918)" Ebdurrehîm Rehmî Hekarî bên dayîn.
Di pêşbaziyê de tu sînor ji bo mijarê tune ye, lîstik dikarin karên nû yên orîjînal bin an jî ji berhemên wekî roman, çîrok, helbest, bîranîn bên adaptekirin. Nivîsên lîstikan divê bi kêmanî 30 hezar tîpên komputerê, bê valahî, bin. Lîstikên ku ji bo pêşaziyê bên şandin divê heta dîroka dawî ya serlêdanê li tu derê nehatibin weşandin, li şanoyên profesyonel an yên bi budce nehatibin lîstin û di tu pêşbaziyan de xelat negirtibin. Her beşdar tenê bi tekstek dikare beşdar bibe.

NAV GERE RUMUZ BE Û DI ZERFEK DIN DE BE
Her nivîskar dikare bi yek lîstikê beşdarî pêşbirkê bibe. Nivîskar divê nav, navnîşan, kurteya jiyanî û hejmarên têlefonê xwe di zerfeke girtî de, ku li ser navê wan ê rûmetî (rumuz) nivîsandî be, bişînin. Nivîsa lîstikê jî divê bi navê rûmetî (rumuz) were şandin. Nivîsên ku agahiyên nasnameyê di zerfeke girtî û bi rûmetî de nebin, dê ji pêşbirkê bên derxistin.

XELAT 90, 60 û 40 HEZAR TL YE
Di pêşbaziyê de sê lîstikên herî serketî dê bêne xelatkirin. Yelata bi 80.000 TL, duyemîn 60.000 TL û sêyemîn jî bi 40.000 TL'yî bê xelatkirin. Her wiha ji bo teşwîqkirinê (mansiyon) jî dê 20.000 TL wekî xelat bê dayîn.
Nivîsên ku xelatê bigirin, dê ji hêla Lijneya Repertuara DBŞT ve werin nirxandin û di nav weşanên Şaredariya Bajarê Mezin a Amedê de wek pirtûk bên çapkirin.
Ji bo têkilî:
pespirkasano@gmail.com 
0412 502 90 18