QAMIŞLO

Di sala 2004'an de kurdên li Qamişlo û derdorê serî hildabûn û rejima Baas li hemberî kurdan komkujî pêk anî bû. Îro di salvegera vê serhildanê de kesên canê xwe ji dest dabûn hatin bibîranîn.

Bi sedan kes li goristana taxa Qidorbeg a Qamişloyê kom bûn û şehîdên komkujiyê û Serhildana 12′yê Adarê bi bîr anîn.

Endama Partiya Yekîtiya Demokratîk (PYD) ya Qamişloyê Hesne Remo kesên canê xwe ji dest dane bibîranîn û got ku ew li ser şopa wan in.

Li  Goristana Şehîd Delîl Sarûxan û li Yarîgeha Şehîdên 12′yê Adarê jî bibîranîn hebû. 

Rêveberiya Xweseriya Demokratîk a Herêma Cizîrê bi diruşma "Bi rihê Serhildana 12′yê Adarê em ê dagirkeriyê têk bibin û bi vîna gelan em ê bi ser bikevin" li vir merasîm li dar xist. Şandeyên ji bajar û navçeyên cuda yên herêma Cizîrê û girseya şêniyên serdana gorên li taxa Qidorbegê û Goristana Şehîd Delîl Sarûxan kiribûn, beşdar bûn.

Merasîm bi mûzîka ji hêla koma Serdemê ve û sirûda Ey Reqîb dest pê kir. Dûre li ser navê Rêveberiya Xweseriya Demokratîk a Herêma Cizîrê, Meclisa Malbatên Şehîdan a Qamişloyê û Kongra Star axaftin hatin kirin.

Tê payîn tîmên Dêrazor û Cizîrê maçekê bilîzin.

ANHA