Diyarname
Dora 16'an a Lîga Şampiyonan dibe şahidê qewimînên nû û lîstikvan dikevin nava dîrokê. Em qala maça Liverpool û Real Madridê dikin.
Real Madridê li mala Liverpoolê tam 5 gol vêtin û bi 5-2'yan avantajek mezin bi dest xist.
A rast maç li gor dilê Liverpoolê dimeşiya. Hê di deqîqeya 4'an de bi Darwin Nunezê bi 1-0 derketin pêş. Hê 10 deqe derbas nebûbû qeleparêzê Real Madridê Courtois xeta kir û kaptanê Liverpoolê Salah xeta efû nekir: 2-0.
Di deqîqeya 21'ê de Real Madrid bû şirîkê maçê: Lîstikvan Vinicios Junio li ser navê tîma xwe golek qeyd kir û got em hê hene: 2-1. Û di deqîqeya 36'an de vê carê qeleparêzê Liverpoolê xeta kir; Qeleparêz Alisson ku pas diavêt, gog li Jonior ket û çû nav torê: 2-2. Nîveka yekemîn bi vî awayî bi dawî bû.
Di nivîke duyemîn de Real Madrid bi lez bû, leza wê hebû, hê du deqe derbas nebûbûn Militao bi serê xwe tîma xwe derxist 3-2'yan. Paşê Benzema derket ser dikê: Di deqîqeya 55 û 67'an de du gol avêtin û hema hema bilêtên derbas bûna çarîk fînalê xist bêrîka xwe.
Salah dîrok nivîsî
Lîskikvanê Liverpoolê Mohammed Salah bi gola ku avêt rekora Steven Gerrard şikand. Bi 42 golan li Liverpoolê bû lîstikvanê ku di maçên Kûpayên Ewropayê de herî zêde golan diavêje
Benzema û Junior
Lîstikvanê Real Madridê Vinicius Junior 2 gol avêtin. Bi vê bû lîstikvanê Real Madridê ê li ser navê tîma xwe herî zêde golan diavêje Livedpoolê: 5 gol.
Lê di nîveka duyemîn de Karim Benzema 2 gol avêtin û bi 6 golan ev pênase ji Junior girt.
Rela Madrid û Liverpoor roja 15'ê adarê ji bo maça didiyan bên hemberî hev.
Maçên din ên şevê
Di maçên din ên şevê de tîma îtalî Napolî tîma alman E.Frankfurt li Almanyayê bi 2-0 têk bir.
Li aliyê din roja 14'ê mehê PSG li mala xwe li hemberî Bayer Munihê bi 1-0 têkçû. Heman rojê Milanê jî Totenham li mala xwe bi 1-0 têk bir.
Roja 15'ê mehê Club Brugge li mala xwe li hemberî Benfica bi 2-0 têk çû. Borissia Dortmundê jî li mala xwe Chelsea bi 1-0'ê têk bir.
***
Maçên Yekemîn Temam Bûn
Bi lîstina her du maçan re maçên yekemîn ên Dora 16'an ên Lîga Şampiyonan temam bûn. Di her du maçên dawî de li Almanyayê RB Leipzing û Manchester City bi 1-1 wekî hev man. Di maça din de Înterê li mala xwe Porto bi 1-0 têk bir.
(Ev paragraf piştî lîstina maçan li vê nûçeyê hatiye zêdekirin)