Diyarname

Nivîskar û wergêr Nîzam Algunerhan piştî 30 salên ku cezayê wî temam bû, divê bihata berdan lê îdareyê ew berneda.

Algunerhan di 4’ê berfanbara 1992’yan de hat girtin. DGM’ê (Dadgeha Ewlehiya Dewletê ya Tirkiyeyê) roja 6’ê adara 1995’an bi îdîaya “Yekpareyî û yekîtiya dewletê, û pergala Zagona Bingehîn  xira kiriye” 36 sal cezayê hepsê li wî birî. Algunerhan bi rêzê li girtîgehên wekî Mûş, Amed, Yozgat, Îzmîrê ma. Niha li Girtîgeha Tîpa F a Boluyê ye. Gelek kesên ku di sala 1992’yan de hatine girtin piştî 30 salên girtîgehê têne berdan, lê Îdareya Girtîgeha Boluyê ev mafê wî yê berdan betal kir. Li gor nûçeya di MA”yê de ev biryar roja 16’ê sermaweza 2022’Yan ragihandin wî.  Îdareyê sedemên wekî “beşdarî çalakiyên çandî nebûye”, “Ligel endamên PKK’ê li heman menzelê maye”, “ligel girtiyan beşdarî xebatên sporê nebûye” nîşan dan, bi van gihîştin wê biryarê ku “aqil negirtiye” û mafê wî yê berdanê betal kirin.

Li gor zagonê divê roja 27’ê sermaweza 2022’yan bihata berdan, lê îdareyê ev berdan betal kir. Niha ji bo ji nû ve rewşa wê birxandin roja 15’ê adara 2023’yan nîşan dane. Ji bo betalkirina vê biryarê Alguner serî li Dadgeha Înfazê ya Boluyê da.

‘Momo’ wergerandibû

Nivîskar û werger Nîzam Algunerhan ku li girtîgehê dest bi xwendin û nivîsandina kurdî kiribû, li wir dest bi nivîsandina bi kurdî kiribû. Algunerhan herî dawî pirtûka Michael Ende “Momo” wergerandibû kurdî. Pirtûk, di sala 2021’ê de ji Enstîtuya Kurdî ya Stenbolê derketibû.