Diyarname
Manchester United ku di fînala Kûpaya Şampiyonan de bi penaltiyan Chelsea têk bir 146 mîlyon euro qezenc kir.

Maça fînala Kûpaya Şampiyonan di navbera du tîmên îngilîz Manchester United û Chelsea de hate lîstin.
90 deqîqeya maçê bi yek û yek, di 30 deqîqeyên dema dirêj a maçê jî de wekhevî xera nebû û wan penaltî avêtin. Di penaltiya pêncan de lîstikvanê Chelsea Teryy gog girt û derket pêşberî qelevan. Di vê kêliyê de her kesî di dilê xwe de got Chelsea maç bi dest xist, lê nebû: Ji ber ku baran barî bû Terry piçekî şiqitî û gog li dîrokê ket, derket derve. Ger Terry gol biavêta yekem car dê Chelsea. Û penaltiyên din hatin avêtin. Di herî dawî de lîstikvanê Fenerbahçeyê yê berê Anelka nikarî penaltiyê bavêje û Manchester United careke din bû şampiyonê şampiyonan.
Bi qezenckirina vê kûpayê de Manchester United tenê di maça fînalê de 108 mîlyon euro kir bêrîka xwe. Di temamê maçên Kûpaya Şampiyonan de heta maça fînalê Manchester United 38 mîlyon euro jî qezenc kiribû, bi giştî di vê pêvajoya Kûpaya Şampiyonan de 146 mîlyon euro bir mala xwe.