Diyarname

Di destên mirovan de gelek telefon hene û yê gelek telefonan jî amûrê şerzkirina wan cuda ye. Ev yek jî dibe sedema gelek gelemşeyê. Li ser vê yekê Parlemena Ewropayê (PE) biryareke nû û cidî girt. Di civînê de 602 parlemenî dengê erê, 13 parlemenê dengê na bikar anîn.

Li gor biryara hatiye girtin heta sala 2024’an gere li hemû welatên Yekîtiya Ewropayê (YE) yek cure şerz bêne bikaranîn.

Li gor biryarê di hemû telefonên destan, tablet û makîneyên fotografan de yek cude şerz bê bikaranîn. 

Perlemenê biryara saziyên Yekîtiya Ewropayê ku berê li ser USB-C girtibû erê kir û xwest di telefonên Android de ev cure serê amûrên şerzkirinê bê bikaranîn. Ev biryar herî zêde dê zirarê bide Apple ku ew iPhone difroşe ku di iphone de serê amûrê şerzên wan bi cureyê Lightning e.  Ji ber ku biryar ji bo amûrên e-pirtûk  û berguhkên bê kablo jî derbas dibe dê Samsung jî zerarê bike, ji ber ku cihê şerzkirina wan jî cuda ye.

YE ev nêzî 10 salan e li ser a xwe bû ku yek cure şerz bê bikaranîn.