Diyarname
Li Wanê, saet di 13.41'ê de erdhejek çêbû. Tê gotin ku meziniya şida erdhejê di 7.0 bûye û erdhej li bajarên kurdan ên wekî Amed, Batman, Şirnex, Mûş, Erzerom, Çewlig, Bedlîs, Sêrt, Mêrdîn, Dihok û derdora van deran hatiye hîskirin.
Zanîngeha Ataturk ragihand ku navenda erdhejê bakurê gola Erçekê, li navbera Wan û Miradiyê bûye û meziniya wê di şida 7.0 de ye.
Rasatxaneya Kandîlî ya li Stenbolê dibêje meziniya erdhejê 6.6, Naevnda Lêkolînên Jeolojîk a Dewletên Yekbûyî yên Amerîkayê (DYA) jî daxuyaniyeke da û got ku meziniya erdhejê 7.6 e.
Di erdhejê de hin avahî hilweşiyan. Avahiyeke 7 qatî li ser Kolana Kazim Karabekir hilweşiya ye. Tê gotin ku hin kes di bin avahiyê de mane.
Der barê birîndar û miriyan de yan mezinahiya zaîyatê de hê tu agahî nîn in.
Ev herêm, herêmeke erdhejê ye, xeta erdhejê ji vê derê heta Îranê diçe. Her wiha her 50 sal carekê li van deran erdhej tê dîtin.
Her ku agahî bên emê biweşînin....