Diyarname
Hunermend Amy Winehouse karaktereke balkêş bû. Di warê muzîkê de serketî bû lê jiyana wê hinek tevlihev bû. Bi vê yekê kir ku di temenê ciwan de bimire. Niha ew bi kincê xwe di rojevê de ye. Kincê ku Winehouse di konsera dawî de li xwe kiribû bi mezatê hat firotin. Mezat li DYA'yê ji aliyê malbata wê ve hat organîzekirin. Kincê ku hat firotin di sala 2011'an de di konsera li Belgradê de li xwe kiribû ku ev konsera dawî bû.
Kinc bi qasî ku li bendê bûn zêdetir, tam bi temamî bi 16 qatî zêdetir; bi 243 hezar û 200 dolarî hat firotin.
Berhemên din ên aîdê Winehouse hemû bi 4 mîlyon dolarî hatin firotin ku di nav wan de pirtûk, DVD, çenteyên wê jî hebûn. Çenteyê wê ku di sala 2007'an de di merasima Xelatên Brit de di dest de bû û di şiklê dil de bû bi 204 hezar û 800 dolarî hat firotin. Kincên Wê yên din bi 12 hezar û 500 dolar û heta bi 150 hezar dolarî hatin firotin.
AMY WINEHOUSE KÎ YE?
Stranbêja îngilîz Amy Winehouse roja 14'yê rezbera 1983'yan li Southgate ya Londona Îngilistanê hatiye dinê. Di navbera salên 2001-2011'an de gelek çalak bû, albumên wê rekor şikandi. Wê xelata Emmy jî di nav de gelek xelat girtin.
Roja 23'yê tîrmeha 2011'an li mala xwe mirî hat dîtin. Hat gotin ku ji ber alkolê bi jehrî ketiye.