Diyarname

Piştî 7 salan çapa nû ya berfirehkirî ya "Stêrkên Edibiyata Kurdî" hat weşandin. Pirtûka ku ji aliyê Necat Zivingî ve hatiye nivîsîn ji aliyê Weşanxaneya Dara ve hat çapkirin.

Parêzer û nivîskar Necat Zivingî li Zivinga Hebizbiniyan hatiye dinê, heta zanîngehê li Batmanê xwendiye û di sala 2007'an de Fakulteya Hiqûqê ya Zanîngeha Kocaelî xwendiye û bûye parêzer. Li Amed û Stenbolê parêzerî kiriye ku niha jî vî karê xwe didomîne. Zivingî ku heta niha ligel vê pênc pirtûk derxistine.

Ev pirtûka niha li ber dest navê antolojî lê kirine û 7 sal berê hatibû çapkirin. Di sala 2014'an de ji bo komek xwendevanên sînordar, li gor têgihîştin û pêwîstiya wan ev pirtûk hatiya çapkirin, li gor gotina nivîskar ji ber eleqeyê û pêwîstiyê pirtûk berfireh kiriye û niha bi çapa xwe ya berfireh, çapa diduyan li ber destên xwendevanan e.

Çapa nû bihara îsal ji Weşanxaneya Dara derket.

Di pirtûkê de mînakên ji çar parçeyan, ji zaravayên cuda li ser wêjekarên kurd hatiye amadekirin. Ji nifşa klasîk heta dawiya sedsala 20'an 33 nûnerên edebiyata kurdî hatine hilbijartin, ligel kurtejiyana wan çend helbestên wan jî di pirtûkê de hatine bi cih kirin.

Pirtûk bi Baba Tahirê Uryan dest pê kiriye û bi Cegerxwîn bi dawî bûye.

Pirtûkên Zivingî yên ku heta niha derketine ev in:

- Zembîlfiroş (Lêkolîn), 2012

- Stêrkên Edebiyata Kurdî (Antolojî), 2014, 2021

- Zana û Rewşenbîr Evdirehîm Rehmî Hekarî (Biyografî), 2015

- Akil ve Aydinlanma Said Nursi (Biyografi), 2020

- Sews (Helbest), 2020

- Stêrkên Edebiyata Kurdî / Necat Zivingî / Antolojî / Weşanên Dara / 2021 / 309 rûpel