Culemêrg
Endamê Meclisa Giştî ya Wanê Yildirim Ayhan ê ku bi guleya polîsan bi giranî birîndar bû û bi helîkopterê ji Çelê rakirin Wanê, di rêde jiyana xwe ji dest da.
Karwanê mertalên zindî ya li ser banga Kongreya Civaka Demokratîk ku 10 kîlometreyan nêzî navçeya Çelê hatin astengkirin, piştî rastî astengiya leşkeran hatin, dest bi çalakiya rûniştinê kirin.
Koma mertalên zindi piştî çalakiya rûniştinê pêk anîn, bi fermana Waliyê Culemêrgê Muammer Turker rastî mudaxaleya leşkeran hatin. Di mudaxaleya bi bombeya gazê Endamê Meclisa Giştî ya Wanê Yildirim Ayhan ji sînga xwe birîndar bû.
Ayhan ku bi giranî birîndar bû rakirin Serwîsa Lezgin a Navenda Tenduristiya ya Çelê. Ayhan pişt re bi helîkopterê rakirin Nexweşxaneya Yuzuncu Yilê ya Wanê. Ayhan di rê de jiyana xwe ji dest da.
Piştî ku Ayhan di rê de jiyana xwe ji dest da, cenazeyê Ayhan rakirin morga nexweşxaneyê. Dayik û bavê Ayhan ku li ber nexweşxaneyê rawestiya bûn ji ser hişê xwe çûn.
Piştî ku Ayhan jiyana xwe ji dest da, li gel endam û rêveberên BDP'ê û nûnerên saziyên sivîl ên civakî bi sedan kes li ber nexweşxaneya Tipê ya Zanîngeha Yuzuncu Yilê kom bûn. Li aliyê din polîsan jî tedbîrên mezin girtin.
Îdiaya 'segvanekî Ayhan kuşt'
Detayên kuştina Yildirim Ayhan ê BDP'î derdikevin holê. Şahidê bûyerê Metîn Adugît diyar kir ku berî êrîşê li girên bilind segvan hatine bicihkirin û di bûyerê de guleyên rastî hatine bikaranîn, piştî ku Ayhan kete erde jî segvanekî gotina "min lê xist" bi kar anî.
Şahidên bûyerê anîn ziman ku Yildirim Ayhan li qada ku Aysel Tugluk jî hebû de wekî hedef hate girtin û hate kuştin. Adugît wiha got: "Di dema êrîşê de rasterast li ser me gule barandin. Aysel Tugluk jî li cem me bû. Mîn dît ku guleyên rastî li dijî me bi kar tînin. Min ji hevalan re got bila her kes baldar be. Lê çend saniye derbas bû min dît ku Yildirim Ayhan kete erdê."
Agugît destnîşan kir ku hem ji panzeran hem jî ji giran leşker û polîsan gule li ser gel barandine lê nedîtiye ku kê Ayhan kuştiye. Adugît da zanîn ku wî dema bûyerê de ev gotin bihîstine: "Li girên bilind me hemûyan dît segvanek rabû û got 'min lê xist' hevalên wî jî ew pîroz kirin. Li ser piya destên xwe li singê xwe dixist û serkeftina xwe pîroz dikir."
Adugît bilêv kir ku tiştên ku wî ditîne parlamenteran jî kesên li wî dîtine û bi rasterast bi armanca kuştinê gule hatiye berdan.
DÎHA