LONDON
Belgefilmê "Evdalê Zeynikê" li Brîtanyayê hem di çalakiya Meclisa Aşitî ya Brîtanyayê de, hem jî di festîvalê de hat nîşandayîn. Derhênerê belgefilm Bulent Gunduz, piştî nîşandana fîlm bi temaşevanan re sohbet kir.
Li Brîtanyayê li du cihan belgefîlmê Gunduz ê bi navê "Evdalê Zeynikê" hat nîşandayîn. Di nîşandana Evdalê Zeynikê ya li "Cafe Z" ya li Stoke Newington de, ku Meclisa Aştiyê ya Brîtanyayê organîze kir de, endamê meclisê Ali Has kir diyar kir ku ew serbilind in ku malovahiyê ji bo fîlmê dengbêjê nemir Evdalê Zeynikê dikin û sipasiya derhêner Bulent Gunduz kir.
Fîlm ji aliyê kurd, tirk û îngilîzan ve bi eleqeyek baş hat temeşakirin. Piştî nîşandana fîlm, derhêner Gunduz bersiva pirsên der barê fîlm de da.
Gunduz wisa got; “Evîna Evdalê Zeynikê a ji bo xwezaya Kurdistanê pir bilind bû” û diyar kir ku Evdal li zozan û çêrgehan, li ger robaran digeriya û klam digot. Gunduz got ku Evdal ji xwezaya bi heybet a Dêrsimê bandor bûye û strana Xozan gotiye.
"Evdalê Zeynikê" di heman demê de di çarçoveya Festîvala Fîlmên Navnetewî ya Swansea Bay li Gallerê de hat nîşandayîn.