Diyarname

Serokwezîrê Swêdê Olof Palme 34 sal berê roja 28'ê reşemiya 1986'an bi sûîkastê hat kuştin. Serê pêşî îdîa kiribûn ku kurdan ew  kuştiye lê derketibû holê ku tiştek wisa nîn e. Û piştî 34 salan vê carê kesê ku ew kuştiye navê wî hat eşkere kirin.

Televîzyona dewletê ya Swêdê "SVT" nûçeyeke weşand û got ku swêdiyekî bi navê Stig Engstrom wê rojê Palme kuştiye. Serdozger Kristen Peterson ku li doza Palme mêze dikir gotiy eku ji ber Stif Engstrom di sala 2000'î de miriye niha êdî derfetê lêpirsînê nemaye û bi vî awayî xebatên li ser dosyayê bi dawî bûn.

Kanala televîzyonê di nûçeya xwe de ragihandiye ku Engstrom ku kompaniya fînansê Skandia de dixebitiye ku ew kompanî hema li cihê ku Palme hatiye kuştin e. Nûçe diBêje Engstrom di saet 23.19'an de ji kompanî derketiye û piştî du deqîqeyan Palme hatiye kuştin.

Wê demê Engstrom di îfadeyên dabûn de gotibû, "Dema ez di rê de dimeşiyam li ser peyarê min kesek ku bi ser piştê ve dirêjkirîbû dît. Min li erdê xwîn dît. Min nizanî ber bi metroyê ve herim yan na."

Di nûçeyê de tê gotin ku Stig Engstrom li ser bikaranîna çekan perwerdehî dîtiye.

Hat gotin ku koleksiyona çekan a hevalekî Engstrom hebûye, ev kes di artêşa Amerîkayê de xebitiye û eleqeya wî ji bo demançeyên bi markeya Magnum hebûye. Palme jî bi demançeyê bi markeya Magnum hatibû kuştin.

Bi vê nûçeya kanalê SVT re dosya bi temamî hat girtin lê sedema kuştina Palme hê jî nehatiye eşkerekirin.

Jiyana Palme

Sven Olof Joachim Palme di 30'ê rêbendana 1927'an de li Ostermalm a Stockholma Swêdê hatibû dinê.

Wî di sala 1948'an de li Zanîngeha Stockholmê Beşa Hiqûqê xwendibû.

Ew siyasetmedarekî sosyal-demokrat bû û li dijî çekan bû. Di sala 1963'yan de bûbû wezîr, heta 1969'an de warê ragihandin, çand û perwerdehî de çend caran wezîrî kir û di sala 1969'an de bû serokê partiyê û heman salê bû Serokwezîrê Swêdê.

Wî di navbera salên 1969-1976, 1982-1986'an de du caran serokwezîriya Swêdê kir. Fikra wî ew bû ku divê alîkariya welatên sêyemên dinyayê bê kirin.

Êvara 28'ê reşemiya 1986'an dema ligel jina xwe Lisbet Palme ji sînemayê derketibû li navenda Stockholmê bi êrîşa çekdarî hatibû kuştin û jina wî jî birîndar bûbû.