Diyarname

Serokê UEFA Aleksander Caferin qeybî kanalê alman ZDF'î xeber da û vat ke hedefê înan ew o aşmen (meng) temûz an jî gelawêjî de maçan bidê dest pakerdin.

Caferin vat ke ê rastê rewşêke taybet hameyê û ana dewam kerd: "600 mîlyon Euroyê ma estê ke ma qeybî federasyonanê welatan û tûrnûvayanê UEFA xerc bikerê. Eno dem de ma go rêgezanê Fair-Play ê Fînansî bidê virdertişî û ma go hêvî bin ke eno demê fûtbolî temam bibo. Zehf klûbê ke miyanê zehmeniyê malî de yê estê."

Federasyonê Fûtbolî yê Belçîka heftew şî biryar girot bî ke emsar hendî lîg nêyo kaykerdiş û tîmo joyîn Club Brugge şampiyon îlan bikerê. Federasyonî biryar dabî ku qeybî biryaro teqez 15'ê ene aşme bêrê têhet û biryar bidê. Serê ene joy de jî Caferî vat ke îhtîmal o ke ma serey vernî ma tîmanê Belçîka nêgîrê miyanê Lîgê Ewropayê.

Caferin serê rocanê vernî ma de jî ana vat: "Beno ke ma maçan bê temaşevan bidê kaykerdişî. Helbet bê temaşevan weş niyo la qe nêbo bi weşaney televîzyonî bo zî ma go moralê însanan baş bikerê. Hedefê ma ew o ke aşmey temûz an jî gelawêjî de lîgî temam bibê.

Serokê UEFA Caferin serê klûbanê welatan de jî xeberî da. Yê qeybî Îtalya vat ke ew bawer keno go Serie A bêro temamkerdişî, qeybî Îngilistanî jî fikrê xo ana ard ziwan: "Îngilistan de rewş henî bedelnaye wo. Liverpool di pêşbazî şampiyonî de zerf vernî de wo.25 pûanî vernî de wo. Ez bawer kena Premier Lîg nêro kaykerdiş jî go Liverpool şampiyon bêro îlankerdin."
Ma biyarê vîr ke hem Caferin, hem serekê federasyonanê welatan dem bi dem xeberî danê, la semedo vîrusê korona nîno vindertişî xeberê înan badilhewa manenê. Caferin jî miyan de, heta enka joy nêşkay çîkey sera se vaco.