Diyarname
Vîrusa korona (Covid-19) bandorek mezin li cîhana fûtbolê kiriye. Me agahiyên dawî dan hev:
Zlatan alîkarî dabû dest pê kirin
Lîstikvanê Mîlanê Zlatan Îbrahîmovîç li hemberî vîrusa koronayê kampanyaya alîkariyê dabû dest pê kirin. ÎBrahîmovîç wisa gotibû: "Îtalyayê gelek tişt da bin û di vê dema dramatîk de ez dixwazim zêdetir bidim welatê xwe yê jê hez dikim."
Messi xwest meaşê wî bê kêmkirin
Barselonayê biryar da ku meaşê lîstikvanan sedî 70 kêm bike. SErokê Klîbê gotiye ku ev daxwaz roja roj de ji Messi hatiye, lê negotiye Messi xwestiye sedî sed meaş bê daxistin. Ji ber ku piştî daxuyaniya serokê klûbê Messi bertek nÎşan da.
Sadio Mane nexweşxane çêkir
Lîstikvanê Liverpoolê yê ji Senegalê Sadio Mane li navçeya ku lê hatiye dinê ji bo nexweşên vîrusa koronayê bêne dermankirin nexweşxaneyek çêdike. Ji bo çêkirina nexweşxaneyê 3,5 mîlyon dolar veqetandiye.
Guardiola mîlyonek euro diyarî kir
Teknîk dîrektorê katalanî Pep Guardiola mîlyonek euro pere diyarî Weqfa Angel Soler Daniel kir. Weqif li Barselonayê ye û ev pereyên hatiye diyarîkirin ji bo amûrên tenduristiyê dê bêne bikaranîn.
Li aliyê din teknîk dîrektor Jose Mourinho jî alîkariya komeleyên li nêzî sehaya Tottenhamê kiriye. Mourinho gotiye ji bo alîkariya saziyên Age UK Enfield û Love Your DoorStep Enfield ez li vir im, hûn jî dikarin alîkariyê bikin.
Li Avustralyayê sê tîm dê meaşê nedin
Li Avustralyayê di tÎmên fûtbolê yên Lîga A yên bi navê Perth Glory, Central Coast Mariners û Western Sydney Wanderers ragihandin ku dê nikaribin meaşê bidin lîstikvan û xebatkarên xwe yên klûbe.
Basketbolkar alîkarî du cihan kir
Basketbolkar Rudy Gobert ku li Utah Jazzê dilîze ligel welatê xwe Fransa alîkariya Utahê jî kir. Lîstikvan ji bo Oklahomayê 500 hezar dolar diyarî pere dan.
Destpêkirina La Lîga
Li Spanyayê Mediapro maçên La Lîga diweşîne. Ji wir daxuyanÎ hat û hat gotin ku li Spanyayê dibe ku di meha tîrmehê de maçên La Lîga dest pê bikin lê dê bê temaşen bêne lîstin.