Diyarname
Şampiyonê Lîga Şampiyonan Liverpool û Şampiyonê Lîga Ewropayê Chelsea li Stenbolê di Kûpaya Super de êvara 14'ê mehê hatin hemberî hev. Liverpool ku di sala 2005'an de li Stenbolê Kûpaya Lîga Şampiyonan bi dest xistibû Stenbol carek din ji bo wê lêhat û vê carê Kûpaya Super bir mala xwe.
Maça her du tîmên îngilîz bi 1-1 bi dawî bû. Di nîv saetên zêdek de her du tîman her yekî golek avêt û bi 2-2 120 deqe temam bûn. Û encam bi penaltiyan diyar bû: Liverpoolê bi 5-4 di warê penaltiyan de bi ser ket û kûpa bir mala xwe. Her 5 penaltiyên pêşî yên Liverpoolê lîstikvanan veguhartin golê lê di penaltiya pêncan a Chelsea de lîstikvan Abrahama nekarî golê biavêje…
Berî maçê hêvî ew bû ku Liverpool dê bi awayekî hêsan maçê bi dest bixe, lê hesabên malê û sûkê cuda bû. Chelsea ji her gavê zêdetir bi organîze bû. Li gor kadroya xwe ya heyî ku kadroya wê ji Liverpoolê astek jêrtir bû, di asta bilind de lîst. Chelsea zêde firsendên serketinê neda Liverpoolê, her wiha nehişt ew bilîzin jî. Chelsea ku bi organîze bû di deqîqeya 36'an de bi gola lîstikvanê xwe Giroud bi 1-0 bi pêş ket û nîveka yekemîn bi vî awayî bi dawî bû. Di destpêka nîveka duyemîn de Liverpool hinek din hatibû ser xwe, hinek hewl da xwe, ji vê encam jî girt: Di deqîqeya 48'an de bi Manu bersiv da. Lê piştî golê Chelsea dîsa însiyatîf girt dest, hin firsendên golavêtinê jî bi dest xisti lê nekarîn encamê bigherînin û maç bi 1-1'ê bi dawî bû. Maç derasî 30 deqîqeyên zêdek bûn.
Êdî her du tîm jî westiyabûn, her du tîm jî bi tevdîr tevdigeriyan. Pêşî dîsa Mane derket ser dikê (dq 95) û paşê ji penaltiyê Chelsea bi Jorgihno bersiv da (dq 100). Maç bi 2-2 bi dawî bû. Di penaltiyan de Liverpool gihîşt mirazê xwe.
Çend not
Maç ji aliyê hakêma danîmarkî Stephanie Frappart ve hat bi rê ve birin. Di dîroka UEFA'yê de yekem car bûn jinek maçek wisa ast bilinid bi rê ve dibe.
Maça li Stenbolê li Stada Beşîktaşê hat lîstin û li 215 welatan bi yekser hat weşandin. Li gor daneyan li dor 500 mîlyon kesî ji televîzyonan li maçê temaşe dikir.
Liverpool di sala 2005'an de li Stenbolê li hemberî Mîlanê di Kûpala Lîga Şampiyonan de bi ser ketibû ku wê çaxê bi penaltiyan kûpa bi dest xistibû.
Liverpoolê berî di sala 1977, 2001 û 2005'an de Kûpaya Super bi dest xistibû, bi vê bû 4 caran vê kûpayê dibe mala xwe.
Chelsea tenê di sala 1998'an de ev kûpa girtibû lê bû 3 caran jî di fînalê de winda dike. Tîma Chelsea di sala 2012'an de li hemberî Atletico Madrid, sala 2013'an de li hemberî Bayer Munih û îsal jî li hemberî Liverpoolê têk çû.