Rifat Arya

Li Zanîngeha Artûklû ya Mêrdînê ku zanîngeheke dewletê de ji bo wanedanan ezmûna zimanê kurdî li dar ket.

Di 14’ê vê mehê de, li Zanîngeha Artûklûyê ya Mêrdînê, di bin birêvebiriya Enstîtuya Zimanên Zindî de ezmûnekê pêk hat.

Mebesta vê ezmûnê gihandina wanedanan e (okutman). Kesên ku ji aezmûnê derbas bikin ewê bikevin mulaqatê û piştî vê jî ji bo 50 endaman wê qursa zimanê kurdî; kurmancî zazakî pêk were û di encama vê kursê de jî wê sertîfîkaya wanedayînê bê dayîn.

Her çiqas nedihat payîn ku serîlêdan zêde be jî li dor 600 kesî serî lê da û ket ezmûnê ku ji van 600 kesan 35 jê jî ji bo zazakî serî lê dan.

Ezmûna ku di avahiya rektoriya Zanîngeha Artûklûyê de pêk hat gelek bi coş derbas bû, kesên ku serî lê dan vê yekê wekî peyameke girîng dîtin ji bo derdorên eleqeder. Di qursa nivîskî de metnên tirkî û kurdî dan beşdaran ku wergerînin.

Hetan niha hin zanîngehên ku dixwestin di bin banên xwe de dersên zimanê kurdî bidin tunebûna mamosteyan hincet nîşan didan û digotin kesên ku ji cîhek fermî dîplome an jî sertîka wergirtibîn nîn in loma jî tengasiya tunebûna mamosteyan didan pêş,
Bi vê kursê re êdî zanîngehên ku jidil bixwazin vî tiştê bikin wê derfeta peydakirina mamosteyan jî bikaribin bi dest bixin.

Piştî vê azmûnê hin kesên ku ji ezmûna nivîskî borîne wê di mulakatê kevin û piştî mulakatê jî pêncî kesên ku mafê kurwergirtinê bi dest xistine wê bi qasî 2 mehan li zanîngeha Artûklûyê kursê werbigirin…

Kesên ku di vê qursa nivîskî de bi ser bikevin, di 22-23’yê mehê de vê carê wê bikevin mulakatê.

Li bendê ne ku di serdema pêşiya me de li Zanîngeha Artûklû dersên bi kurdî dest pê bikin.
Li Zanîngehên Stenbolê yên wekî Bîlgî û Sabanciyê bi awayekî fermî dersên zimanê kurdî têne dayîn. Her wiha li Zanîngeha Bogazîçî jî bi nîvfermî dersên kurdî têne dayîn.

***