Enqere
Dadgeha Zagona Bingehîn îdîanameya ku Serdozgerê Komarê der barê AK Partî de amade kiribû qebûl kir.

Piştî vê qebûlkirina îdîanameya dozger doz derbasî merhaleyên din bûn. Niha de ji AK Partî pêşparastin bê xwestin. Dûre dê hem serdozger û hem Ak Partî bi devkî parastinê bikin û paşê dê danişîn pêk bên.

Her wiha Wekîlê Serokê Koma DTP'ê Selahattîn Demîrtaş, piştî ku doza girtina AKP'ê ji aliyê Dadgeha Zagona Bingehîn ve hate qebûlkirin, biryar nirxand û xwest ku AKP pakêtek berfireh a demokratîkbûyinê bîne meclisê.

Demîrtaş diyar kir ku ev yek ne surprîz e û da zanîn ku li hêviya biryarek wiha bûn û wiha berdewam kir: "Ecêb e ku di beşên Serokomar Gul derbas nabe de yekdengî, di beşên Gul derbas dibe de jî bi pirdengiyê hatiye qebûlkirin. Ev yek der barê nêzîktayiya Dadgeha Zagona Bingehîn ya li dozê de, çend saloxan dide. Qebûla 7 endaman û neqebûlkirina 4 endaman, ji aliyê dengeyên dadgehê ve tişkekî ecêb e. Tişta ku pêwîst e AKP pêk bîne, divê gazincan deyne aliyekî û bi lez pakêtek berfireh a demokratîkbûyîne bîne meclisê. Heke AKP ji daxwazên hemû kesî re bibe bersiv, wê ji bo guhertina Zagona Bingehîn a ku girtina partiyan zehmet dike jî, ji hemû kesan piştgiriyê bibîne. Divê AKP ji dev ji nêzîkatiya xwe ya dema dikeve tengaviyê nîşan dide û zagonan diguherîne, berde. Dema wiha be, em ê jî piştgiriyê bidin."

Ji DÎHA'yê hatiye girtin